1 THURCHI SUINA 22
22
1Davida’n, “Hi zoro hin, Rengpa, Pathian tempil chu a iom hrang a ni. Hi maichâm hi a ni Israelhaiin hâlirvôm thil an inhlanna hrang chu,” a tia.
Tempil irfûktirna
2A ram sûnga nam dang om murdihai chu Davida’n a bukhaia, sintho hrangin a hmanghaia, senkhatin tempil sinna hrang lung an tuka. 3Mikota hmang hrang thîr a kalna hai, kopza le thîr tamtak le dâr tamtak, var zoi loi dôra tam an suktirhaia. 4Tura le Sidon mihai chu sidar thingngol tamtak zuang chôi hrangin a ti pehaia. 5Davida’n, “Ki nâipa Solomona sin hrang tempil chu roiinpui tak, rammuala irhming inthang a ini hrang a ni. A la nâipanga, a duk a dak lan hre maka, a irzukna lan suaktir pe ki ta,” a ti lungrîla. Khanchu a thi mân tempil sinna hrang hrâtna tamtak a lei irfûktir pe a ni.
6A nâipa Solomona chu a koia, Rengpa Israelhai Pathian hrang tempil sin pe hrangin a hrila. 7#2 Sam 7.1-16; 1 Tsn 17.1-14 Davida’n, “Kei khomin ki Pathian Rengpa irhmingin a sin ki nuama. 8Khannisianlân, Rengpa ina thisen nin suaktir hrai, irdoi lak ni uara, nangma sikin irnênga thisen luang ki hmu intam hraia; nangin chu ki in sin thei no chi ni. 9Irngei nuam tak nâipasal Solomona ni neia, ar hming hi, irngeina ti a ini angin a kôl vêla râlhaiin irtharngam takin kin omtira, an lal sûngin Israel ram râl irvei no nia, irtharngam takin om a ti. 10Ama’n keima in hrang sin a ta, keima hrangin nâipasal nih a ti, ama hrangin a pa ni ki ti; Israelhai laia rêngtoihmun chu kumkhontuanga hrangin indet ki ti, tia a ni ihril a ni.
11“Khasikin, ki nâipa, Rengpa chu ni kuang om sianlân, sat nang vur ri se, a iti ang ngêtin Rengpa ni Pathian in hrang chu sin ri se. 12Vârna le hmangrua inhriat theina nang pe sianlân, Israel mihai chu Rengpa ni Pathian dân hrangin roirêl pehai thei ni ti. 13#Jos 1.6-9 Israelhai hranga Rengpa thu’nkunghai le dân, Mosia ihrilhai kha, zômin lân, itinrêng lama hlochuk ni ti. Hâi takin irnak songin lân; chi viat loiin, ni beiindongtir no roh. 14Rengpa in sinna hrang rângachak her sîngthum le sângminli, sumru her nuaithum sîngminli, ki lei irtik zazâm sai, dâr le thîr vâng chu var zoi loi, thing le lung khom ki lei ibuk sai la lâk sa a nang hrang khoma. 15Sintho hrang mi tamtak an oma, lungtuk mihai le thing sin mihai, 16rângachak hai, sumru hai, thîr le dâr sin thei tak takhai khom an itam a ni. Phut pehai ta ro, Rengpa’n Sat nang vur ri se,” a tia.
17Davida’n Solomona san hrangin Israel hruaituhai a hrilhaia, 18“Rengpa nin Pathianin nangni an omtir hi. Hi rama lei omhai ngai chu Rengpa’n a nin hnêtira, ramhai hi ni thu hnuaia om a ni ta. 19Nin lungrîl murdi’n Rengpa nin Pathian sin chu a dik takin sin ta roi. Rengpa Thuthung Bôm le Pathian bêlbûr irthiang siana in sin ta roi,” a tia.
Currently Selected:
1 THURCHI SUINA 22: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
