1 THURCHI SUINA 20
20
Davida’n Raba kul a lâk
(2 Sam 12.26-31)
1 #
2 Sam 11.1
Kum a hong thara, fûr a hong nâia, rênghai ram en zoro a hong nia. Joaba’n sipai a hruaia, Amon-hai ram a va doia. Reng Davida chu Jerusalema a la oma. Raba khua an irhuala, an rûna an insiata. 2An Pathian irlim Milkoma lukhum chu rângachak her sômthum minlia rik a nia, lunghlu khom a kop saa; kha kha Davida khomin a rêng lukhuma khan a phûm saa. Kho sûng ata thil tamtak râllâk sum a lâka. 3Kha khuaa mihai kha thing ât, âlkai le hreia thing tanin a hmanghaia. Amon mi kho danga mihai khom khaang dênin a hmanghaia, a rualhai leh Jerusalem tiang Davida chu a kîr nôk tâka.
Filistia mi lianhai leh irdoi
(2 Sam 21.15-22)
4Zoro sôtnotea chu Filistia mihai le Gezerak an irdoi nôka, Hamath mi Sibekaia khan Filistia mihai laia mi lian irchi Sifaia a thata, Filistia-hai chu an dok tâka.
5 #
1 Sam 17.4-7
Filistia mihai leh an irdoi nôka, Jaira nâipa Elhanana’n Goliatha sangpa Lahmia, Gath khuaa mi chu a thata, kha ufei kha zaper dôra lian a nia.
6Gath khuaa hin irdoina a oma, mi lian inkhat kutpâr kiruk nei le kepâr kiruk nei hi a oma, tianlaia mi lianhai irchi a nia. 7Israelhai chu a othaia, Davida upa Simeia nâipa Jonathana’n a lei thata.
8Davida le a pâlhai ithat mi lianhai hi Gath khuaa om, mi lianhai irchihai an ni.
Currently Selected:
1 THURCHI SUINA 20: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
