1 THURCHI SUINA 18
18
Davida râllâk mihai
(2 Sam 8.1-14)
1Zoro sôtnotea chu Filistia-hai chu Davida’n a doihaia, an hnêhai tâka, Gath khopui le a kôlvêl khuaa omhai chu a sutpaihaia. 2Moabhai khom an hnêhaia, a thu hnuaia an oma, ama kuang khâzana an bê tâka.
3Hamath tianga, Zoba rêng Hadatezera’n Eufrates tuidung hmâr tianga ram lua a tuma, a doi sikin Davida’n a rûna. 4Davida’n a sakor tâli sângsari le sakor chung chuang mi sângsari le kea fe sipai sînghni a chelpai pea. Tâli irzakhat kai tôl thei hrang sakor a hôihaia, a danghai chu an ke irthahrui an satpai pehaia.
5Suria mi, Damaska rêngin Hadadezera chu san hrangin sipai a tîra. Davida’n a lei doia, sipai sînghni le sânghni a lei thatpai pea. 6Suria rama khan sipai a siahaia, Davida khua le tui an chang tâka, a kuang khâzana an chôi tâka, Rengpa’n Davida chu kil tina an hrâttira. 7Hadadezera hai rângachak pho a lâkpai pehaia, Jerusalema a chôia, 8#1 Rng 7.40-47; 2 Tsn 4.11-18 Hadadezera khua Tibhat le Kun khua ata khom dâr tamtak a lâka; kha leh khan Solomona tempila tuipanghai, dâr chopuihai le bêl a siama.
9Hamath khuaa rêng Toia khan Hadadezera le a sipaihai chu Davida’n an hnêhai ti a len hriata. 10Toia le Hadadezera an le’rdoi mai ngai tâka, Davida hin an hnê tâk sikin lei don hrang le lômpui hrangin a nâipa Jorama chu Toia hin a tîra. Jorama hin rângachak hai, sumru hai, le dâra siam tamtak a pêka. 11Edom hai, Moab hai, Amon hai, Filistia hai le Amalek hai a sutpaia, rângachak hai, sumru hai le dârhai chu Davida’n tempil sinna hrangin a pêkpai vinga.
12 # Ipn 60 irhming Zeruii nâipa Abisaia’n michi khur irhôra Edom-hai a soisaka, mi sîngkhat sângriat a thathaia. 13Edom rama sipai a siahai hluka, Davida khua le tui an chang zoi ta. Rengpa’n Davida chu khô hmuna khom an hrâttir mai ta.
14Davida chu Israelhai rêng a ni tâka; tûte theibîk boiin roi a rêl ngaia. 15Zeruii nâipa Joaba hi sipai hruaitu inlal tak a nia, Ahituba nâipa Jehosafata chu ziaktu lian tak a nia. 16Ahituba nâipa Zadoka le Abiathara nâipa Abimeleka chu ochai hruaitu an ni; Seraia chu ziaktu a ni. 17Jehoiada nâipa Benaia chu Keret le Pelet, rêng hrungtuhai hruaitu a ni. Reng Davida nâipahai khom a ram sûnga mi lian ta tak an ni.
Currently Selected:
1 THURCHI SUINA 18: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
