1 THURCHI SUINA 16
16
Thuthung Bôm chu Davida isinsiam puan ina
1Thuthung Bôm chu Davida isinsiam puan ina an irzôn lûta, an sia tâka. Rengpa makunga hâlirvôm thilinhlan le fâk suam thil an inhlana. 2Davida’n thil ar hlan zoiin chu Rengpa irhmingin mipuihai ta hrangin satvurna a pêkhaia; fâk hranghai a sem pehaia. 3Israel rama mi murdi nupang le pasal an rêngin, bai tiam khat le sa rô sai tinte kha khatin, grep tui kop chînte te a pol pehaia.
4Thuthung Bôm kôla Rengpa biakna hruaia, inpâkna hlasak hrangin Levi irchia mi senkhathai chu Davida’n an thanghaia. 5Asafa chu an hruaitu tak a nia; Zekaria hi a hnuai renga mi a ni; Jeiela, Semiramota, Jehiela, Matithia, Eliaba, Benaia, Obed-edoma, Jeiela hai chu perkhuang le belem tum hranga an ni, Asafa chu têngrep inring taka suk hrang a ni. 6Ochai inhni, Benaia le Jahaziela chu Thuthung Bôm kôla a kakâra bekul tum hranga inkung an ni. 7Asafa le ar chia mi Levi irchihai chu Rengpa inpâkna hlasak kaihruaitu hranga inkung masa taktu chu Davida hi a ni.
Inpâkna hla
(Ipn 105.1-15; 96.1-13; 106.1,47-48)
8 Rengpa chunga lômthu hril unglân,
ar hming irlam ngai roi.
A sintho hi nam tinrêng hrilhai roi.
9Ama inpâkin sak unglân,
Thil irkhêl a ithohai hi hrilhai roi.
10A’rhming irthiang hi song unglân,
Rengpa zongtuhai chu raiinfân ri sehai.
11 Rengpa zong unglân, a hrâtna zong roi,
ama hi pan mai ngai roi.
12A sintho roiinpui takhai le,
thil irkhêl a itho le a roirêlnahai kha, inhre mai ngai roi.
13O, a siahlo Israel irchihai,
A inthang Jakoba nâihaio inhre mai roi.
14Ama hi Rengpa kin Pathian a ni,
Rammual pumpuia roirêltu a ni.
15A thuthung chu inhre mai roi,
irlo tin tin hranga a thupêkhai chu.
16 #
Irp 12.7; 26.3 Abrahama kuanga a thuthung le Isaka kuanga a chonginkung chu a inhriat mai a ni.
17 #
Irp 28.13
Khahai kha Jakoba irchihai dân hranga namindet a ni.
Israelhai kumtuanga thuthung hrangin.
18“Tho Kanaan ram hi nangni pe ki ti nin irchon a ni theina hrangin,” a tia.
19Ite ual ni loi, mikhual ma mai an ni lai khom khan,
20Nam tinrêng laia chaninvâiin,
kho tin sirin an irthona.
21 #
Irp 20.3-7
Khannisian, tûte hrilsiat phal ni maka,
Annihai sikin rênghai an irchutirhaia.
22“Ki sahriak irthûtir hi, inthem no unglân,
ki deipu hi ite irkôk no roi,” a tia.
23Rammuala mi murdihaio,
Rengpa inpâkin hla sak roi.
a ni saninzôkna thu hi a nitin inpuang roi.
24A roiinpuizia hi nam tin laia hril unglân,
Mi tin laia thil irkhêl a ithohai hi inpuang roi.
25 Rengpa chu a roiinpui sikin,
inpâk mai hrang a ni,
pathian danghai nêkin inza hrang a ni.
26Nam dang pathianhai chu a’rlim hrang vai a nia,
Rengpa hi chu irvân siamtu a ni.
27Roiinpuina le chôiindômnahaiin a tuama,
a hmun irthiang chu,
sinthotheina le lômnain a sip.
28Rammuala nam tinrênghaio,
Rengpa chu inpâk unglân,
Rengpa roiinpuina le hrâtna chu inpâk roi.
29 Rengpa irhming roiinpui chu inpâk unglân,
thilpêk hrang chôiin a ina hong lût roi.
Irthiang le enhoi taka irvoin,
Rengpa makunga hong kûn roi.
30Irnêng mi murdihaio, a makunga hin inthing unglân,
inhnîng loi hrangin irnêng hi a idet a ni.
31Irvânhaio raiinfân roi, o irnêng nang khom lômin lân,
Rengpa hi rêng a nih ti nam tin hrilhai roi.
32Tuikhanglian le a sûnga omhai chu khêkhai sianlân,
ram le a sûnga omhai khom raiinfânin.
33Rampuia thing murdihai khom châng sup sup ri sehai,
Irnênga roirêl hrangin a zuang tika chu.
34 Rengpa hi a sa hrai sikin lômthu hril roi;
Kumtuanga phûkdâi a ni sikin. #2 Tsn 5.13; 7.3; Ezr 3.11; Ipn 100.5; 106.1; 107.1; 118.1; 136.1; Jer 33.11
35O, Rengpa kin Pathian,
ni sansuakin lân;
nam danghai lai ata ni hruai nôk roh.
Ni’rhming irthiang inpâkin roiinpui takin nang chôiindôm kin ti.
36 Rengpa Israelhai Pathian chu inpâk unglân,
Kumkhua, kumkhontuangin inpâk roi,
Mi murdihaiin “Amen,” an lei tia,
Rengpa chu an inpâka.
Jerusalem le Gibeon khua Pathian biak hruaituhai
37 Rengpa Thuthung Bôm an isiana hmuna Pathian biak inkhôm hruaitu Asafa le ar chipui Levi irchihai chu Davida’n a sia indethaia, an sin a hong ni tâka. 38Jeduthuna nâipa le ar chipuihai mi sômruk inhnihaiin an sanhai ngaia. Hosa le Obed-edoma chu mikot hrungtu an ni.
39Ochai Zadoka le a ochai chanpui danghai chu Rengpa an biakna hmun Gibeon khuaa inkhômna hruaitu an ni. 40Israelhai kuanga Rengpa thupêk, Rengpa dân bua irziak angin a zîng a zâna maichâma hâlirvôm thil an inhlan ngai hrang a ni. 41Hemana le Jeduthuna khom mi dang irtansuakhai leh an omsuama, a lungkhamna hek ngai loiin, Rengpa inpâkna hla sak hrang an ni. 42Inpâkna hla an saka lei irfûktir hrang bekul, têngrep le irhâihoi danghai tum tianga hruaitu Hemana le Jeduthuna hai hi an ni. Jeduthuna irchipuihai chu inkhâr enkoltu an ni.
43 #
2 Sam 6.19-20
Mi tin an in tiang an fea, Davida khom a in mihai uap hrangin a fe tâka.
Currently Selected:
1 THURCHI SUINA 16: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
