1 THURCHI SUINA 14
14
Jerusalema Davida sintho
(2 Sam 5.11-16)
1Sum le pâia irsanirhlômna hrangin Tura rêng Hirama’n Davida kuang palai a tîra. Reng in sinna hrangin sidar thing a pêka, lung suk thei hai le, thing tianga mistiri a ngaitua pe saa. 2Rengpa’n Israelhai chunga an lalna an dettira, a mi Israelhai sikin a ram khom chôiindômin a om ti Davida’n an hriata.
3Davida’n Jerusalema dôngma tamtak a nei nôka, nâinu nâipa a neihai saa. 4Jerusalema a nâihai chu hihai hi an ni, Samua, Sobaba, Nathana, Solomona, 5Ibhara, Elisua, Elpeleta, 6Noga, Nefega, Jafia, 7Elisama, Beelliada#14.7: Beeliada tih hi 3.8-ah khan chu Eliada tih a ni. le Elifeleta,
Filistia hai inhnêna
(2 Sam 5.17-25)
8Filistia mihaiin Davida chu Israel ram pumpuia an lal ti an inhriatin chu, chel hrangin sipai an tîra. Davida’n a len hriata doihai hrangin a’rthoka. 9Filistia sipaihai chu Refahai omna irhôr an hong tunga, mi an inmokhaia. 10Davida’n, “Filistia-hai hi doihai ning mo? Nin hnêtir ni mo?,” tiin Pathian ar dona. Rengpa’n “Doihai ro, nan hnêtir ki ti,” a tia. 11Davida’n Baal-Perezima a doia, an hnê tâka. “A râl sipaihai chu tuilian ni itân angin Pathianin a ni insoisaktir hi,” a tia. Kha hmun kha Baal-Perezim a ti tâka. 12Filistiahaiin an Pathian irlimhai chu an mâksana, Davida’n an hâltirhai vinga.
13Zoro sôtloite hnunga chu kha hmun ngêta khan Filistia hai an honga, kha hmuna mihai kha an inmokhaia. 14Davida’n Pathian ar don nôka, ama’n “Hi tiang ata hi chu doihai no’n lân, varâl tianga Thingtheimu bil tiang son fe’n lân, kha hmun ata kha doihai roh. 15Thingtheimu rêla an hong irhâi nin hriat tena, pût roh. 16Pathian thupêk angin Davida’n a thoa, Gibeon ata Gezer dên rakin Filistia-hai chu a’rzûlhaia. 17Davida irhming chu ram tina an thanga Rengpa zârin nam tinin an ichi a ni ta.
Currently Selected:
1 THURCHI SUINA 14: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
