1 THURCHI SUINA 13
13
Kiriath-jearim khua ata Thuthung Bôm son
(2 Sam 6.1-11)
1Khan, rêng Davida’n hruaitu murdi sângkhat hruaitu le irza hruaituhai irdonin. 2Davida’n Israel irbukkhômhai laia, “A sa nin iti lam a nia, Rengpa ei Pathianin ar fûk a tiin chu, Israel ram murdia ei urêng la omhai chu, ram kilkhôra om ochai le Levihai chu ei kôla om hrangin koihai ei ti. 3Khanchu ei Pathian bôm hi lapai nôk ta ei ti, Saula inlal lai khan ite ngaitua loiin ei oma,” a tia. 4Khanchu ar bukkhôm murdihai khan, khaanga tho hrangin an nuama, mi irngai dâna khom thil dik a nia.
5 #
1 Sam 7.1-2
Khanchu Davida’n Aigupta tui Sihor ata Hamath khua lûtna dênin Israel mihai chu Kiriath-jearim khuaa Pathian bôm la hrangin a bukhaia. 6#Fes 25.22 Khanchu Davida le a mihai murdi Judai rama Baal Kiriath-jearim an itihna khan Cherub hai chunga toi Rengpa irhming chuangna Thuthung Bôm chu la hrangin an hong fea. 7Khan Pathian bôm chu Abinadaba in rengata tâli tharin an fepuia, Uza le Ahioa’n tâli chu an chalaia. 8Khan Davida le Israel mihaiin hla sakin, theihle, belem, perkhuang, bekulhai inringin Pathian makunga an lâm sup supa.
9Khan Kidon hruizôl an hong tungin chu, Uza khan Thuthung Bôm chu chel hrangin a hon bana, sehrâthai kha an irpal sikin, 10khan irningloirengin Rengpa chu Uza chunga khan a ning an mura, Bôm kha a tôn sika khan, a that tâka. Kha hmuna khan Pathian makunga a thi tâka. 11Khan Rengpa’n Uza chunga ningmurin a kut a thâk sikin, Davida chu a ning an mura; kha hmun kha Perez-uza#13.11: Pereza-uza ti hi Hebraiin “Uza dengintheina” tihna a ni. a chongpuia, atûn ten hin a la ni mai a ni. 12Khan Davida’n kha nî rengata kha Pathian a chi tâka, “Itin mo Pathian Bôm chu ki hong ichôi thei hrang tâk?” a tia. 13Khanchu Davida’n Bôm kha Jerusalem khuaa ama kuang chôi maka, 14#1 Tsn 26.4-5 Pathian Thuthung Bôm kha Gath mi Obed-edoma ina khan tha thum a oma; khanchu Obed-edoma insûngkua le a inei murdihai chu Rengpa’n sat a vura.
Currently Selected:
1 THURCHI SUINA 13: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
