1 THURCHI SUINA 11
11
Israel le Judahai kuanga Davida Inthangna
(2 Sam 5.1-10)
1Hebron khuaa Davida kuang Israel mi murdihai an fea, “Ni thisen irzompui kin nia, 2rêng Saula an lal lai khom khan Israel mihai chu irdoina hmuna ni hruaihai ngaia. Rengpa ni Pathian khomin, ki mi Israelhai hi ni kai hruaiin an roirêltu ni ni, tiin ni len kunga,” an tia. 3Israel hruaituhai murdi chu Hebron khuaa Davida kuang an fea, Davida’n Rengpa kuang khan an rêngin thu a thungpuihaia, hriak nâlin a oma, Samuela hmangin Rengpa inkung ang khan Israelhai rêng a ni tâka.
4 #
Jos 15.63; Roi 1.21 Reng Davida le Israelhai chu an fea, Jerusalem khua an doia, kha zoro khan chu Jebus an iti ngai a ni, Jebus mi a phuta omhai khom an la iom mai a ni. 5Jebus mihaiin, “Kho sûng hong lût thei viat no chi ni,” an lei tia. Khannisian, Davida’n Zion kul chu a lâk tâka, kha kul omna mual kha, Davida khopui tih a ni ta. 6Davida khan Jebus mi a that masatak chu sipai ulian tak inchangtir ki ti, a tia. Jeruii nâipa Joaba khan doi hrangin a hruaihai tâka, sipai ulian tak a ichang a ni ta. 7Kha kula khan Davida a om tâk sikin Davida khopui ti a ni ta. 8Kha kul kha Milo an iti tâng sak tiang irhôra irnêng tukinchamin a siama, a danghai chu Joaba’n a sunzom nôk ta a ni. 9Reng Davida chu a hrât tîr tîra, itinrêng chunga Rengpa’n a ompui mai a ni.
Davida sipai irhming inthanghai
(2 Sam 23.8-39)
10Hihai hi Davida sipai irhming inthanghai chu an ni, Israel mi danghai le Pathian chonginkung angin Davida chu an inlaltir oka, a ram khom an iroiinpuitir a ni.
11“Pasal sa” inthum an iti laia a hruaitutak chu a doihaia, voikhat rengin a thathai vinga.
12Pasal sa inthumhai laia inkhat nôk chu Ahoa irchi Dodoa nâipa, Eleazara a ni. Pas-damim-ah Filistia-hai le Davida hai an irdoia. 13Annihai hi Davida tianga kop an ni. Barli hmuna an om laiin Israelhai chu an rota. 14A nâihai leh an ngîra, Filistia-hai an thathaia, Rengpa’n an hnêtir a ni.
15Sûn khat chu Davida omna Adulam khura, pasal sa sômthumhai leh an oma. Filistia pâl khathai chu Refa-hai omna phâia om hmun an khuara. 16Kha hmuna an om laiin Davida om lai takin Filistia mihai chu Bethlehem khua an irhuala. 17Davida’n chu a omna khua Bethlehem a sân ar ngaia, “Bethlehem mikot bula tuikuang tui ni va chôi pe thei hrang omhai sianlân chu o,” a tia. 18Pasal sa inthumhaiin Filistia sipaihai chu khêlhaiin, Bethlehem kul mikot bula tui chu an va thâla, Davida an hong pêka; khannisian lei in nuam nôk maka. Rengpa kuang inhlanin a ibunpai a ni. 19“Hi tui hi in thei no ning mihai thi irhuamhai thisen kêng ki i-in hrang, thi irhuama an va ichôi a ni sikin,” a tia.
20Joaba upa Abisaia chu, “Pasal sa sômthumhai” laia a hruaitutak a ni. Ufei leh mi irzathum a doihaia, a thatpai vinga, ar hming satna a hlo a ni. 21Pasal sa sômthumhai laia irhming inthang tak a nia, an ulian tak nina a chang ta. “Pasal sa inthum” an itihai laia chu la chang thei ma.
22Kabzael khuaa pasal sa; Jehoiada nâipa Benaia khomin thil irkhêl tak a thoa. Moab isong takhai mi lian inhni a thathaia, ivur tâk lai takin kâmkeibaknei a khura a that sa a ni. 23Aigupta mi pumlian tak, mûk ringaa dung sei a that sa a ni. Hi pa hin zaper dôra lian ufei a hmanga, Benaia hin chu hmoltôk hmangin a doia, a ufei a sutpaia, kha a ufei leh khan Aigupta mipa kha a isun that a ni. 24Pasal sa sômthum laia mi Jehoiada nâipa Benaia’n hi thilhai hi a itho a ni, 25khannisian, “Pasal sa inthumhai” laia chu la chang thei ma, Davida’n ama hrunghai laia hruaituin an omtira.
26Pasal sa danghai, Joaba sangpa Asahela, Bethlehem mi Dodoa nâipa Elhanana, 27Haror mi Samota, Pelon mi Heleza, 28Tekoa mi Ikesa nâipa Ira, Anathot mi Abiezera, 29Husa mi Sibekaia hai, Aho mi Ilaia hai, 30Netofa mi Maharaia, Netofa mi Baana nâi Heleda, 31Benjamina irchia mi Gibea khua mi Ribaia nâi Itaia, Pirathon mi Benaia, 32Nahalegaas mi Huraia, Arbat mi Abiela, 33Bahurum mi Azmaveta, Saalbon mi Eliaba, 34Gizon mi Hasama, Herar mi Sagea nâipa Jonathana, 35Harar mi Sakora nâi Ahiama, Ura nâi Elifala, 36Mekerat mi Hefera, Pelon mi Ahija, 37Karmel mi Hezrua, Ezbaia nâi Naaraia, 38Nathana sangpa Joela, Hagria nâi Mibhara, 39Amon mi Zeleka, Berot mi Naharaia hi Zeruii nâipa Joaba râlthuam chôitu a ni. 40Ithra mi Ira le Gareba, 41Hit mi Uria, Ahlaia nâi Zabada, 42Siza nâi Adina, ama hi Reubena irchi laia hruaitu a ni, a’rchia mihai hruaiin, mi sômthumhai le; 43Maaka nâi Hanana, Mithna mi Josafata. 44Asterat mi Uzia, Aroer mi Hothama nâi Sama le Jeiela, 45Tiz mi Simria nâi Jediaela le a sangpa Joha, Mahava mi Eliela, 46Elnaama nâi Jeribaia le Josavia, Moab mi Ithma, 47Eliela, Obeda, Mezobia mi Jaasiela an ni.
Currently Selected:
1 THURCHI SUINA 11: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
