1 THURCHI SUINA 10
10
Reng Saula thina thu
(1 Sam 31.1-13)
1Filistia le Israelhai chu Gilbo tânga an irdoia, Israel mi tamtak thatin an oma, mi danghai le Saula ineihai leh an intâna. 2Filistia haiin an phâkhaia, Saula nâi inthum Jonathana, Abinadaba le Malkisua, hai an thathaia. 3Saula chu a sate’n an doia, thal leh an kâpa a pop inna oka. 4Ruatharte a râlthuam chôitu kuang, “Ni khandai phôiin lân, ni that ta ro, Filistia mi sertan loihaiin nin dôi hrai an ti,” a tia. Khannisian ruathartepa khan a chi hrai sikin that ngam maka. Khasikin Saula hin a khandai a lâka a bingin ar vita. 5Ruathartepa khom khan Saula thi kha a va hmu’n chu, ama khandai a phôia ar vit that nôk ta a ni. 6Saula le a nâi inthumhai chu an thia an inlalna khom a hek ta a ni. 7A sipaihai an rota, Saula le a nâihai an thi ti an inhriatin Jereel phâia omhai khan khua kha an mâksana, Filistia mihai kha an honga an hong lua tâka.
8Zînga chu Filistia mihaiin an ithathai râlthuam irfuang hrangin an suaka, Gilbo tânga Saula le a nâihai ruak an va hmua. 9Saula lu chu an lâka, a râlthuam khom an lâka, khanchu Filistia ram hmun tina, hi thil lômom tak hi an milimhai le an mihai hril hrangin thanginthei an tîra. 10Saula râlthuamhai chu an Pathian tempila an siaa, a lu chu an Pathian Dagona tempila an târa. 11Gilead rama Jabez khuaa mihaiin Filistia-haiin Saula an isoisak dânhai an inhriatin chu, 12an pasal sahai an irthok suaka, Saula le a nâihai ruak an var fuanga, Jabes khuaa an hong chôia, ama kha seso thing hnuaia an phûmhaia, sûn sari bu an ngheia.
13 #
Lev 19.31; 20.6; 1 Sam 13.8-14; 15.1-24; 28.7-8 Rengpa ata an sin insiatna sikin Saula chu a thi tâka, Rengpa thu a zôm no sikin. 14Rengpa irhletpui loiin mithi irthahai irdon sikin Rengpa’n a irthattir a ni, a ram chu Jesaia nâipa Davida kuang a pêk ta a ni.
Currently Selected:
1 THURCHI SUINA 10: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
