1 THURCHI SUINA 9
9
Babulon sala intâng kîr nôkhai
1Israel mi murdihai irhming chu irziak ving a ni. “Israel rênghai ti lekhabua” irziak lût a ni. Judai ram mi murdihai sualna sikin Babulon sala hruai lût ving an ni. 2#Ezr 2.27; Neh 7.73 An in le loi omna khuahai kîr masahai chu, Israel mi narân hai, ochai, Levi irchia tempil enkoltuhai an ni. 3Juda nam, Benjamina nam, Efraima nam, le Manasea hai chu Jerusalem khuaa om hrangin an fea.
4Juda nâi, Pereza irchihai hruaitu Amihuda nâi pasal Uthaia a ni, a pu chu Omria a ni. A’rchihai laia Imria le Bania an om sa. 5Juda nâi Sela irchihai hruaitu chu Asaia a nia, an hruaitu tak a ni. 6Juda nâi Zera irchihai hruaitu chu Jeuela a ni, Juda irchi Jerusalema omhai chu mi irzaruk sômkuak an ni. 7Benjamina nam sûnga lût Jerusalema omhai chu hihai hi an ni. Mesulama nâi Salua hai in mi, Mesulama pa hi Hodavia a nia, a pu chu Hasenua a ni. 8Jehorama nâipasal Ibneia hai in mi. Uzia nâipa Mikria tupa Ela-hai in mi, Sefatia nâi Mesulama hai sûngkua: Sefatia Reuela nâi Ibnija tupa a ni.
9Hi namhai hi Jerusalema in sûng mi irzakuak sômringa kiruk an om. An irhming târinlanghai hi an hruaituhai an ni.
Jerusalema ochai omhai
10Hi ochaihai hi Jerusalema om an ni. Jedaia, Jehoiariba, Jakina, Hilkia nâipa Azaria, ama hi an tempil sûnga an hruaitupa tak a ni. A puhai chu a dônte’n hihai hi an ni. 11Mesulama, Zadoka, Meraiota, Ahituba, Jehorama, nâipa Adaia a ni, ama hi a pu chu Pasura le Malkija hai an ni. 12Adiela nâipa Maasaia, a puhai chu Jazera, Mesulama, Mesilemita le Imera hai an ni. 13Ochai in sûng mi ulianhai chu mi sângkhat irzasari sômruk an ni, tempila tho hrang tinrêng tho thei ving an ni.
Jerusalema Levi omhai
14Levi in sûng mi Jerusalema omhai chu: Hasuba nâipa Semaia, a puhai chu Azrikama le Hasabia an ni, hihai hi Meraria nâihai an ni. 15Bakbakara, Heresa, Galala le Mika nâipa Matania, hi hi Zikri nâipa a nia, ama hi Asafa nâipa a ni. 16Semaia nâipa Obadia, ama hi Galala nâipa a nia, ama hi Jeduthuna nâipa a ni. Khan, Asa nâipa Berekia hi Netofa khuaa mi Elkana nâipa a ni. Netofa khoram sûngkuaa om ngai an ni.
Jerusalem tempila sipai omhai
17Hi sipaihai hi Jerusalem tempil sûnga om an ni. Saluma, Akuba, Talmona, Ahimana le Saluma, hi pa hi an ulian tak a ni. 18Hi zoro tena hin chu rêng mikot an iti nisua tianga om ngai an ni. Atûn hin chu Levia irchihai omna mikot an ihrung a ni ta.
19Korea nâipa Saluma, Ebiasafa tupa chu Kora irchihai le an biakbuk inkhâr enkoltu a ni, an irchihai khom Rengpa omna in enkoltu an ni. 20Eleazara nâipa Finehasa chu Rengpa’n ompui ri se, an ulian tak a ni.
21Meselemia nâipa Zekaria khom biakbuk inkhâr enkoltu a ni.
22Inkhâr entu mi irzahni sômhleihni an inthang suakhaia. An omna khua a dônte’n an irhming an irziak pehai. Reng Davida le deipu Samuela’n an sintum an izêk pehai a ni. 23Annihai le an irchihai hin tempil inkhâr chu an ihrung a ni ta. 24Sim tianga, hmâr tiang, nisua le nitâk tianga inkhâr omhaia khan, an sika hruaitu an om chita. 25Khan, an urênghai, an khuaa omhai kha, sûn sari sûng rikipa sin thoa anni leh om hrangin a kâr kârin an ihong ngai hrang a ni. 26Hi hruaitu minli, irchamneituhai hi Levi irchia mi an ni. Tempila tentan dang dang le a sûnga thil irhmang thei loi hrang tena hi, an mophurna a ni. 27Khaangin, a zîng tin hi tempil inhongin, a enkol pumin an ihrung mai ngai a ni.
Levi Irchia mi danghai
28Levi irchi sûnga mi danghai chu tempila bêlbûr enkoltu an ni, an hmang hrang an irsinsiahai vinga, an hmang zoiin an hong pêk kîr nôk khomin an irsinsia le an lei en indik ngai a ni. 29Senkhat chu tempil thil ser enkoltu an ni; baidi, uain, oliv hriak, mirimhoi hâl zât, mosola hai ten an kut chunga om a ni. 30Mirimhoi hâl hrang le mosola irzêl chu ochaihai tho hranga a ni.
31Kora irchia Saluma nâilutîr Matithia chu khuria thil inzêi tianga enkolna sin ngai a ni. 32An urêng senkhathai, Kohatha mi irchihai chu sabat nia bai siam ngaihai an ni.
33Levi irchia mi, mi senkhat chu tempila irhâihoi tumtu an ni, a sûn le zân itiklai khoma hmang thei an ni sikin, an hruaituhai chu tempil tentan senkhata omin ite sin dang tho ta ngai mahai.
34Hi irhming târinlanghai hi Levi irchi dang dang, an irchi suina khoma an hruaituhai an ni, Jerusalema an hruaituhai an ni.
Reng Saula neitu le ar chihai
(8.29-38)
35Gibeon hai hruaitu Jeiela chu Gibeon khua mi a nia, a dôngma chu Maaki a ni. 36A nâipa ulian tak chu Abdona a ni. Ama nâihai chu Zura, Kisa, Baala, Nera, Nadaba, 37Gedora, Ahioa, Zekaria le Miklota an ni. 38Miklota hi Simea pa a ni. Hihai hi Jerusalema an irchi a dang omhai chu an ni.
39Nera hin Kisa a neia, ama hi Saula pa a ni. Saula hin nâi minli a neia, Jonathana, Malkisua, Abinadaba le Esbaala hai hi an ni. 40Jonathana hin Merib-baala a neia, ama hi Mika pa a ni. 41Mika hin nâipasal minli Pithona, Meleka, Tarea, le Ahaza a neihaia. 42Ahaza’n Jara a neia, ama hin nâipasal inthum Alemeta, Azmaveta le Zimria a neihai. Zimria hin Moza a neia. 43Moza nâipa Binea a nia, Binea chu hin Refaia a neia, Refaia hin Azela pa Eleasa a nei.
44Azela hin nâipasal kiruk, Azrikama, Bokerua, Ismaela, Searia, Obadia le Hanana hai hi an ni.
Currently Selected:
1 THURCHI SUINA 9: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
