TITA 2
2
Lonma ni gibi grao
1Thikhabo, ning de lonma ni gibi grao jang dormo ni dara khe sling ri lah. 2Grarao khe saiphuyaba, man gnang, jar sibring phuyaba, lonthai gibi, hamjaoma gnang subung, ode subung khah laophuyaba jama ni khlai hi sibring lah. 3Olei jasosi ning grajikrao khebo bonsi ni dongthai ha man khlaijaoyaba ja mani, malai jang siji jaoyayaba ja mani, ju ni leng ha thaoyayaba ja mani khlai hi bonsi khe sibring lah, Ode, bonsi khe hamba jinis sling rima nang du, 4odebani, haingajik gidi daoyarao de bonsi ni basaithu ode bonsi ni basathu khe hamjao mane ja thing; 5saiphuyaba ni ja thing, naisoyaba gathar ja mani ja thing, nohkhor ha dongthai ham mani ja thing, gasainyaba ja mani ja thing, bonsi ni basaithu ni grao khe la mani buthu jang bonsi slingri phu nang, Madai grao siji jaoya hi dong mani nang du.
6Olei jasosi ning nagaraobo jar naiso la mani khlai hi sibring lah. 7Khrip grao buthu ha hamba khusi ha daogari nai mani khlai hi nisi phnu hi, nisi slingriyaba ha nini gibi khe nisi ni man gnang khe, 8ning grao thiyaba gibi jathai khe niya hi, dephuyayaba khe nu hi, badaiyarao nini basao ha hamya musi thima maiya hi bonsi laji mani khlai hi.
9Dangyasarao de khrip gede ha bonsi ni bubrarao ni bakhla ha hapma nang du, khrip jinis ha bonsi khe khaja rima nang du, bonsi jang grao banglai ma niya. 10Yao makhao yaowaima niya, asaba ni balam habo lonjao hi dong mani khlai hi sibring lah, bede thikhade bo jing khe sogoyahba jini Madai slingriyaba khe ode boni muilo khe khrip ha bonsi ne phnu ma nang du.
11Khrip subung khe sogo mani khlai hi Madai ni khasaoma de duha nujaophai kha. 12Odebani khlai hi, Madai khe khiyal khlaiyayaba ode habsao gede ni jinis libima buthu khah phin hi, duha ni jug ha jar girik hi, gibi jang dong dada, Madai khe khiyal khlai hi dong manebo jing khe sling ri du. 13Jing asa khlaiyaba khajama, jar ni dedao thaoyaba Madai ode sogoyahba Jisu Krista nujao ginyaba grao khe jing jon hi ning dong ma se. 14Bo ning jar khe jar jinthane ri hi, khrip gajai ni phrang bo jingkhe kho hi, jar ne subung slam mani gathar khlai hi, hamba khusi dangma mijingyaba khe bo jinthane ri kha.
15Ebo grao buthu khe bai hi thi lah, ode phura hukhum gnang jang baosi bujai hi jo lah. Saosibo ningkhe hamya da mai thing.
Currently Selected:
TITA 2: DIMASBSI
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
