BAKHAN NI RAJABTHAI 7
7
Jaginyaba ni bisar ni khlai hi bithai
David ni rajabthai. Benjamin ni subung Kusa ni khlai hi David ni. Gabra-ni bakhan ni rajabthai.
1O Gabra, ani Madai, ang nini ha khaising la du
Rikyarao ni phrang ang khe golam ri hi sogo lah.
2Niyakhade bo ang khe raigonma waikhao ba lai jasosi khlai ma se;
Ode, boha saosi bo ang khe sogo ne dong nang niya.
3O Gabra, ani Madai, ebo buthu khusi khe dang kha de
Ani yao ni phrang dang gajai ja re thi kha de,
4Ani lugu khe dangkhlai hi
Ani sotrurao khe musibo niya hi de kha de,
5Ani sotrurao ang khe riksai hi rem la thing.
Angkhe hah ha galai ri hi gakhlik thing.
Ani manggathi khebo haduri ha saphin la thing.
6O Gabra, ani sotrurao thamsi jang baija ba lai jasosi
Ning bo baija hi ang jang gaba lah;
O ani Madai, smao lah, ang khe juru,
Hamba subung khe ning hamjao ba se.
7Nini sersi-giding bojom jayarao khe
Basao ni phrang ning naiso lah.
8O Gabra, ning se khrip ni bisar khlaiyasa,
O Raodao thaoyaba, ang gibi lai ning bisarbo olei khlai lah.
9Hamya subung ni phap khe sjam lah,
Hamba subung khe rao ri lah;
Subung ni khah ni khasu khe tharmai soyaba Madai ning se.
10Raodao thaoyaba Madai ani phi se,
Bo de hamba subung khe sogoyahba se.
11Madai de gibi khe bisar khlaiyaba se,
Phaphi ni basao ha Madai ni thamsi dong ba se.
12Bonsi ni jathai khe slaiya thikha de
Madai boni seng khe hon ma se.
Bo jarni baithuli khe sik dada salai hi deng du.
13Sthai phuginyaba yaodih khe salai dada
Boni wai ni bla khe yaowai ma se.
14Hamya subung ni baothai khe nai lah,
Bonsi malai khe bislei sijiba ring du;
Hamya jathai khe bo dang phu du.
15Bonsi hakhor gede jao re, ode jaosing re kho!
Thikhabo oraha jar ning galaising re.
16Bonsi ni hamya khusi de, bonsi ni basao ha ning galai ma se.
17 Gabra gibi bani ang hamjaoma ri nang
Gabra, raodao thaoyaba ni bumu jang bakhan khlai hi rajab ma.
Currently Selected:
BAKHAN NI RAJABTHAI 7: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
