BAKHAN NI RAJABTHAI 6
6
Dukhu ni bubli ha juruma ni bithai
Rajab hoja ni khlai hi. Seranda jang gasain dikdik rajab ma. David ni rajabthai.
1O Gabra, thamsi jang ang khe da jo,
Thamsi jangbo ang khe da sibring.
2O Gabra, ang khe khasao, ang raoya kha,
Ani begreng bo sa thar kha, ang khe ham ri lah.
3O Gabra, ang gabang mang lang la kha,
Bislei sosi ang khe gar hi dong ma?
4O Gabra, naiphin hi ang jang gaba lah,
Nini khasaoma jang ang khe dimkhao lah.
5Thihbani yaohon ha sere ning khe wainso ma,
Norok ha sere ningthane khajama ri ma?
6Ang dukhu-waimu jang raoya kha,
Hormidi thuyam ha mudi galai du;
Ani thuyam bo mudi jang sithar du.
7Dukhu jang ani muh nuya phai kha,
Ani sotrurao ni khlai hi ang raoya kha.
8Nisi hamya khusi dangyarao, ani phrang gajain degao lah,
Ang grayaba khurang khe Gabra khna la kha.
9Ang gra hi saingyaba khe Gabra gainsong kha,
Ang biyaba khe Gabra ajao kha.
10Ani sotrurao laji jang gmang-giji jahi dra-dri ja ba,
Laji jang bonsi khai ma se.
Currently Selected:
BAKHAN NI RAJABTHAI 6: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
