BAKHAN NI RAJABTHAI 8
8
Madai ni muima ode subung ni man
Rajab hoja ni khlai hi. Gittith birili jang rajab ma. David ni bakhan ni rajabthai
1O Gabra, jini Gabra, phirthi grong bri ha nini bumu bislei ham du!
Nini muima sorgo judao thaoyaba ha deng kha.
2Nana gili ode ansarao ni khuh habo bakhan khlai du,
Nini baslai layarao ode sotrurao khe dephu ma ne
Ning jarni khamthan khe saikho hi deng la kha.
3Ning sangsaiyaba nokhasao ha
Nini yaoblai sathrai, dain khe nuphu du.
4Subung la snadi khe ning bokhe baosong du,
Subung ni basa khebo snadi jabani naisong ba kho?
5Madai tha gijisa hidao hi sangsai ba,
Muima ode bakhan khe khrothu lai thu ri ba.
6Nini yaoblai ni basao ha raothai ri ba
Boni yapha ni bakhla ha khrip dengthar ba.
7Melma buthu ode noh ni khrip khe,
Khrip hagra ni mih ode nokhasao ni dao buthu,
8Dihbu ni nah ode sagor ha dongyaba buthu,
Boni khemotha ha deng ba.
9O Gabra, jini Gabra, phirthi grong bri ha nini bumu bislei ham du!
Currently Selected:
BAKHAN NI RAJABTHAI 8: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
