BAKHAN NI RAJABTHAI 5
5
Goma ni bithai
Rajab hoja ni khlai hi. Nehiloth birili jang rajab ma. David ni bakhan ni rajabthai.
1O Gabra, ani grao khe khna lah
Ani dukhu ni khurang khe gainsong lah.
2O ani Raja, ode ani Madai,
Ani dukhu ni khurang khe gainsong lah;
Bedethikhade ang nini ha bi la du.
3O Gabra, phorong ha ani khurang khe ning khna lah
Ani khurang khe ning khna pha lang;
Phorong ni phrang ang ning khe bi hi dong du,
Ning khe asa jang jon du.
4Ning de hamyayaba ha hamjaoyaba Madai niya
Nini ha hamyayaba dong phuiya.
5Sanggayarao de nini sagang ha songphu nang niya
Hamya khusi dangyarao khe ning regejao re.
6Sere mosol thi re, bokhe ning sjam lah
Sthaibaiyarao ode thokhiyarao khe Gabra hamsi ning regejao re.
7Ang nini khasaoma ni khlai hi, nini noh ha phai du,
O Gabra, nini gathar Temple ha,
Ning khe mani hi yasgu thu hi khlim la du.
8O Gabra, ani sotrurao ni khlai hi,
Nini gibi lama ha langsmai lah,
Ani khlai hi nini lama khe beleng ri lah.
9Bonsi ni khuh ha de grao gibi baigoya
Bonsi ni khasu ha hamya se ning gablai ba,
Bonsi ni grangthroh de mangkhlong ni hakhor khongja lai se
Bonsi ni khuh ha mosol bakhan baigo ba se.
10O Madai, bonsi khe saja ri lah.
Hamya baothai jang ning bonsi hamya la thing;
Bonsi ni hamya bangba ni khlai hi bonsi khe dangkhlai lah.
11Nini ha khaisingyarao khaja ma
Thaoglao ni khajama ha jirikkhao hi rajab nang.
Bonsi khe ning dimkhao nang,
Ning khe maniyarao nini bumu jang bakhan ri hi sugu nang.
12O Gabra, gibi subung ni basao ha ning hamthai ri re
Nini hamjaoma de phi lai jasosi bonsi khe dimkhao du.
Currently Selected:
BAKHAN NI RAJABTHAI 5: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
