BAKHAN NI RAJABTHAI 41
41
Limba ni Bithai
Rajab hoja ni khlai hi: David ni bakhan ni rajabthai.
1Dukhisarao khe baoyarao ni khophal hambi,
Gmang-giji ni bubli habo bonsi khe Gabra juru nang.
2 Gabra bonsi khe naiso nang, bo thang hi dong nang,
Bonsi ni raji ha bonsi hamthai mai hi dong ma se
Bonsi ni sotrurao ni yao habo, bo ri nang niya.
3Bonsi limba habo Gabra bonsi khe naiso nang
Bonsi ni limthai khebo ham ri la nang.
4Ang, Gabra, nini basao ha dang gajai kha,
Ang khe khasao hi ham ri lah thi hi thi du.
5Ani sotrurao ani basao ha khaja hi grao jo du
Bo subung la bakhali thih si ma thihi thi re.
6Bonsi ani ha phai khabo hamya gede thi re
Bonsi ni khah ha hamya se ning bojom khlai re.
Baigo lang hi, malai ni ha thibai re.
7Ang khe regejaoyarao masap khao lai re
Ani hamya khe se ning bao re.
8Bonsi, Bo de limba rao bi,
Baija phu nang niya kha, thi re.
9Ani lugu khathik, sere khe ang lon ba,
Sere jang makham jipha lai re,
Bobo ani basao ha meser hi bao kha,
10 Gabra, ning ang khe khasao hi ang khe sogo lah
Ani sotrurao khe ang baslai laphin ma ne.
11Ani sotrurao ang khe deya kha de
Ning ang khe nalaibo hamjao du thi hi ang mithi nang.
12Ang gibi bani khlai hi ning ang khe remsong lah
Thaoglao jang nini rogong ha ang khe deng lah.
13 Gabra, Israel ni Madai khe khripbo bakhan ri lah
Thaoglao sosi bo khe khripbo bakhan khlai lah.
Amen, Amen.
Currently Selected:
BAKHAN NI RAJABTHAI 41: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
