BAKHAN NI RAJABTHAI 40
40
Bakhan ni rajabthai
Rajab hoja ni khlai hi: David ni bakhan ni rajabthai.
1 Gabra khe ang jon hi dong du
Ani gede bo wainso kha, ang khe juru mani bithai khe bo khna kha
2Didap guthu ni phrang ang khe khaikho kha
Longthai ni basao ha ang khe song ri kha,
Maoyayaba hathan ha ang khe deng kha.
3Gadain rajabthai khe rajab mane ani khuh ha deng kha,
Ani Madai ni bakhan ni rajabthai,
Subung gabang ebo khe nu nang
Khin hi Gabra khe lon nang.
4 Gabra khe lonyarao de hamba phantha bonsi ni se
Saokhuli khe Madai hu ma nangjaoya;
Haglai Madai khe nai ma nangjaoya.
5O Gabra, ani Madai, jinthane ning bojai ri kha,
Gmangthao sisi khusi khe dang hi jing khe jini gede ning bao la du,
Ning lai de saosi bo giri,
Sain ma thikhade sainso phu nang niya.
6Madai huba ode mihdao saoyaba khe ning hamjaoya,
Phap ni Madai huyaba ode gibim jang saoyaba khe nang du thi hi thiya,
Nini grao khe khna mane jinthane khmao ri kha.
7Odese ang, Eraha ang dong,
Nini dara ni laijab ha ani khlai hi slingrithai reb la kha, thi hi thiphin la kha.
8O ani Madai, nini nangjaothai khe dang mane bislei ang nangjao du,
Nini dara ni grao de nalai bo ani khah ha dong du.
9Ning ang khe sogo bani khajathai ni grao khe,
Subung githimyarao ni gejer ha ang grao bai du,
Gabra, ning mithi la du, ani khuh khe ang khaithiya.
10Ning ang khe sogo bani grao khe ang huiya,
Nini lonma-gnang ni grao ode sogo mani grao khe nalai bo ang sainthi re.
Githimyarao ni gejer ha nini khasaoma-mayama ode
Lonma-gnang ning ning thi hi ang huiya.
11 Gabra, nini khasaoma-mayama ani khlai hi da khaithi.
Nini khasaoma-mayama ode nini lonma-gnang jang ang khe
Nalaibo dimkhao song lah.
Juruma ni Bithai
12Gabang gajai jang ang gading jao kha
Ani gajai jang ang gilik kha,
Ang sainso phuya si
Ani khnai thabo bangdao,
Ang khah ha gmang-giji ja kha.
13 Gabra, khasao hi ang khe sogo lah
Gabra, ang khe juru mane gebre lah.
14Ang khe sjam ma baoyarao de laji jang mukhang sim la thing
Ang galaiba ni khah jayarao de laji jang khai thing.
15Mithi la kha, mithi la kha! ang khe thiyarao de bonsi laji jang gongalai la thing.
16Nini gede phaiyarao de khusi jang khaja hi jirikkhao la thing
Nini sogoma khe muilo thi hi baoyarao
Gabra khe bakhan ri lah thi hi jirikkhao thing.
17Ang suliya subung ode dukhisa khe Gabra wainso du
Ning ning ani juruyaba ode sogoyahba se
O ani Madai, budu da lao ri si.
Currently Selected:
BAKHAN NI RAJABTHAI 40: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
