BAKHAN NI RAJABTHAI 39
39
Dukhu ni Bithai
Rajab hoja Jeduthun ni khlai hi: David ni Bakhan ni Rajabthai.
1Ani lama khe hamsisi nai hi hem nang
Hamya grao thiya mane phaphirao ni sagang ha
Ang khuh khuruya thi hi ang thi du.
2Ang phirik phirik dong ba, musi grao bo thiya.
Hamba grao bo thiya,
Thikhabo, ani dukhu bangdao pha lang du.
3Ani khah mao du, bislei bao du olei maodao du
Boha se ani khuh khuru ba.
4 Gabra, ang bislei sosi thang hi dong ma anthane khna ri.
Ang bakhali thih ma?
Ang bakhali thih ma ang khe khna ri.
5Ani hayu la gabang songthe ri kha lao!
Nini muh ha ang thang hi dongdu si musibo niya,
Nini sagang ha subung ni hayu de bar sra lai se.
6Bonsi de sigring lai se,
Boni khusi bo musibo niya
Don bojom khlai du, sere ni ja nang tharmai laiya.
7O Gabra, snadi ha ang asa khlai ma kho?
Ning ning ani asama.
8Ani khrip phap ni phrang ang khe sogo lah
Gibirrao ang khe da mini thing.
9Ning ning dukhu ri bani khlai hi,
Ang phirik phirik dong ma, grao thai si bo thiya
10Ang khe dukhu da ri si
Nini yao jang ang thih ma se thi!
11Subung ni phap de ning joba ni se sason ja ba
Bonsi ni majangma bo mada jiba lai ning jam lang la du
Gibi gibi ning, subung de musibo niya.
12 Gabra, ani biyaba khe khna lah,
Ang juruma sainyaba khe khna lah.
Ani mudi magna da ja ri;
Ang de adai-ajurao lai se,
Phongsi ni naorai se.
13Ang thang hi gmayasa ni sagang ha
Anthane khusi jama ni bubli hamba a ne slam ri.
Currently Selected:
BAKHAN NI RAJABTHAI 39: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
