BAKHAN NI RAJABTHAI 38
38
Limba ni Bithai
Wainsoma ni khlai hi: David ni bakhan ni rajabthai.
1 Gabra, thamsi jang ang khe da jo,
Thamsi jang ang khe saja da ri.
2Nini bla jang ang khe gao la kha
Nini yao ani sao ha sophai kha.
3Nini thamsi gajai jang ang galaising kha
Ani phap ni khlai hi ani sao bo sathar kha.
4Dang gajai jang ang galaising kha
Bakho-bubain risi ba lai ja kha.
5Ani saomang bo gasa jahi gibindi baigo kha
Ang gibir jaba ni se elei sophai kha.
6Sa bangba ni ang gonggalai la kha
Sainsong-sainsi ha ang dukhu jahi gmang baihi dong.
7Ani sithip ha hamsi ning riao du
Ani saokhong lang suk giri.
8Ang raoya lang la kha, saokhong lang sa lang la kha
Ang khah sahi hoi lang la kha.
9 Gabra, ani nangjaoma nini ha yaopha la du
Ang hoiyaba khebo ning ning khna la du.
10Ang khah mao hi mao hi bo giri kha
Ani muthai ni jdanmabo jamphai kha.
11Ani sao ha gasa jaba ni khlai hi ani lugurao ode
Noharirao bo rogong ha phaiya kha,
Ani hainthirao bo degao lang la kha.
12Ang khe sthaima baoyarao dukhon sa kha
Ang khe hamya khlaima baoyarao bo ang khe sigring re,
Nalaibo ang khe hamya khlai mani bao hi dong re.
13Ang de nathong lai ja lang la kha, khna bo khnaya kha,
Abbra lai biringya hi dong la ba.
14Ang khnaphuya lai dong ba,
Saosi khebo ang grao phinya.
15Thikhabo, O Gabra, nini basao ha ang de asa deng la du
O Gabra, ani Madai, a ne grao ri phin lah.
16Ani sotrurao ani dukhu ni basao ha da khaja thing
Ang galai kha de bonsi khaja ma se.
17Ang nalai bo sajao hi galai ma ja du.
18Ani phap khe ang huiya hi nini ha phla du
Ani phap ni khlai hi ang gmang-giji ja kha.
19Ani sotrurao gabang rao bi, bonsi ni bol bang bi,
Ani balam ha, niya niya grao thiyaba gabang bang lang la kha.
20Ang hamba khusi dangba ni khlai hi
Hamba khusi khe hamya jang suphinyaba ani balam ha ja lang la kha.
21O Gabra, ang khe da haiger,
O ani Madai, ang jang gajain da dong.
22O Gabra, ani sogoyahba,
Srap phai hi, ang khe sogo lah.
Currently Selected:
BAKHAN NI RAJABTHAI 38: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
