BAKHAN NI RAJABTHAI 36
36
Subung ni phap
Rajab hoja ni khlai hi: Gabra-ni dangyasa David ni.
1Subung hamyayarao ni khah bising ha phap jang grao jo du
Madai khe khin ma nang du thi hi musi baoya.
2Boni baothai jang de, boni phap khe Madai nu du thi hi bo baoya,
Nangjaoya thi hi bo lonya.
3Malai khe thokhi mane nalaibo bo hamya grao jo re
Hamba khusi ode girikthai ni khusi bo dangya.
4Boni thuyam sosi habo hamya baothai bao re
Hamya lama habo thangphuya si thang re.
Hamya khusi dang mane maniya jaya.
Madai ni hamthai
5 Gabra, nini khasaoma-mayama nokhasao sosi so du
Nini lonma-gnangbo nokhasao guju ha so du.
6Nini gibi de hading gedeba lai se
Nini gibi sason de sagor guthu lai jasosi se,
O Gabra, subung jang mih-dao khebo ning dimkhao du.
7O Madai, nini khasaoma-mayama gabang mulyo-gnang se
Subung buthu nini bagrang bakhla ni sainkhlim ha lenggo du.
8Nini noh ha hamba jimu-gainmu ji hi hoh gablai re
Nini khajama ni dikhong ni dih khe ling ri re.
9Ning de hayu ni dihkhor se
Nini jdanma ha jing bo jdanma mai nang.
10Ning khe mithiyarao ni basao ha nini khasaoma ni bagrang khe phuar lah
Nini gibi khebo gibirao ni basao ha phnu ri pha lang.
11Sanggayarao ani basao ha da dong thing
Phaphirao ni yao jang ang khe da bai thing.
12Nai lah, phaphirao de galai du,
Mathain hi galai kha, ode bonsi baija phuya.
Currently Selected:
BAKHAN NI RAJABTHAI 36: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
