BAKHAN NI RAJABTHAI 34
34
Madai ni hamba bakhan
David slamyaba. Abimelek ni sagang ha gibir lai ja hi dongba ha.
1Nalai bo ang Gabra khe bakhan khlai ma
Thaoya si ang bakhan khlai hi dong ma.
2 Gabra-ni khlai hi ang hamsi ning sangga la du
Dukhisaraobo bo grao khe khna hi, khaja la thing.
3Ang jang baosi Gabra-ni bumu khe sugu pha lah
Jing buthu jang boni bumu khe gede khlai pha nang.
4 Gabra khe ang mai du, bo a ne thiphin du,
Khinyaba khrip ni phrang ang khe sogo kha.
5Sere bonsi khe nai du, bonsi ni mukhang jna phai du
Bonsi nalai bo laji nu nang niya.
6Ebo dukhisa Gabra khe long du
Bo khna hi bonsi ni khrip dukhu ni phrang sogo la kha.
7Sere Gabra khe mani re, deglarao sersi-giding raokhi hi sogo la du.
8 Gabra bislei hamdu thi hi nainai sang
Hamsisi bokhe ragaosisi tharmai hi nainai sang
Sere Gabra khe yasgu thu hi khlim re, boni khophal hambi.
9O boni gathar subungrao, Gabra khe khin lah,
Bokhe khinyarao asaba bo giri ja nang niya.
10Misiraigonma jalaibo jiya hi thao re
Bo hukri jao hi dong re;
Thikhabo, Gabra khe smaiyarao musibo hamba jinis bao jo nang niya.
11Adungrao, phai lah,
Ani grao khe khna lah,
Gabra-ni khinthai khe ang sling ri nang.
12Sere jarni hayu khe khasao la re
Hamba jinis mai hi budu galao thang hi dongma nangjao kha de.
13Phap ni phrang jarni slai khe mathao la thing
Mosol grao joya mane girik la thing.
14Phap khe gar hi hamba khusi khe dang la thing
Milima khe smai hi, riksai pha lang thing.
15Gibi subung khe Gabra raokhi hi ning dong du,
Bonsi ni juru mane khurang khebo khna du.
16Phap khusi dangyarao khe Gabra naisle du
Habsao habo bonsi khe saosibo wainso nang niya.
17Gibirao Gabra khe biyaba ha bo khna du
Bonsi ni gmang-giji ni phrang sogo la du.
18Khah ha grayarao niha Gabra sampha du,
Khah phinyarao khe bo sogo re.
19Gibi subung ni basao ha gabang ning dukhu sophai re
Thikhabo, Gabra bo buthu habo sogo re.
20Boni khrip begreng khe bo naiso du
Masi jahibo sbai nang niya.
21Phaphirao khe de hamyayaba jang ning sthai ma se
Hamba subung khe nangjaoyayarao de bonsi gajai ja ma se.
22 Gabra jarni dangyasa khe de khola ma se
Boni ha thangyarao khrip bo gajai ja nang niya.
Currently Selected:
BAKHAN NI RAJABTHAI 34: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
