BAKHAN NI RAJABTHAI 33
33
Bakhan ni Rajabthai
1Gibi khe dangyarao, Gabra ha khaja hi rajab lah
Khah gibi subung ni khlai hi de bokhe bakhan khlaima ning.
2Seranda jang Gabra khe khrip bo bakhan khlai lah
Seranda ding jhiyaba jang Gabra-ni bakhan ni rajabthai khe rajab lah.
3Boni khlai hi gadain rajabthai khe rajab lah,
Birili majangsisi dam dada, khaja hi jirikkhao lah.
4 Gabra-ni graothai de gibi ja du
Boni khusi khripbo lonma-gnang se.
5 Gabra de gibi ode gibi bisar khe hamjao ba
Habsao boni khasaoma-mayama jang se gablai du.
6Nokhasao Gabra-ni grao jang se sangsai ba
Oraha de boni graothai jang se dong ba.
7Sagor ni dih boni mudi khah gablai ri ba
Sagor ni dih khe wari guthuyaba ha bojom khlai hi deng kha.
8Habsao ha dongyaba khripbo Gabra khe khin thing
Mulug ha bislei dong, bokhe khin thing.
9Bo grao thi kha ning habsaobo jalang la du
Bokhe graothai ri ba, nalai ni khlai hi jalang la kha.
10 Gabra jadirao baoyaba khe so riya kha
Subung ni baothai khe bo mathao hi deng kha.
11 Gabra-ni salaithai de thaoglao jang dong mane se
Boni baothai de thaoglao ni dong mane se.
12 Gabra khe sere jarni Madai thi hi mani re, bonsi ni khophal hambi,
Oleiyaba subung buthu de boni dhon ode boni subung se.
13Sorgo ni phrang Gabra naikhla ha du
Khrip subung khe bo nai ha du.
14Jarni khamthan ni phrang bo habsao ha dongyarao khe nalaibo naikhla ha du.
15Bonsi ni khah khe bo ning slam ri ba se
Bonsi ni khrip khusi khebo bo mithi thar du.
16Siphaiyarao bang khabo raja jadao nang niya
Birbo jarni raoma jang jar khe sogo la phu nang niya.
17Goraibo malai khe sogo phu nang niya
Bo rao lakhabo saosi khebo sogo phuya.
18Khinyarao ni basao ha Gabra-ni muthai galai du,
Boni khasaoma-mayama de bokhe jonyarao ni basao ha dong du.
19Githi ni phrang bonsi khe sogo hi,
Asari habo bonsi khe hayu mathang hi deng du.
20Jing de Gabra khe jon hi ning dong la du
Bo jing khe juruyaba ode jini phi se.
21Boni ha jini khah khaja la du
Boni bumu gathar khe jing lon du.
22 Gabra, nini khasaoma-mayama jini basao ha dong la thing
Jini khah dema de ning se ning.
Currently Selected:
BAKHAN NI RAJABTHAI 33: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
