BAKHAN NI RAJABTHAI 32
32
Thi phalaba ode map khlaiba
David ni: Rajabthai girikba.
1Sere ni hamya khusi khe map khlai kha
Boni phap khe giri kha thi hi jam ri kha;
Bo de khophal hambi.
2 Gabra sere khe hamya thi hi baoyayaba,
Malai khe khah ha hamya baoyayaba,
Bonsi ni khophal hambi.
3Ani phap gajai khe thi phalaya hi dong ba ha
Sainsong ang hoi hi dong ba ha
Ang raoya ja kha.
4Sain-hor ang khe dukhu ri du
Maising ni hagrain lai ang rain kha.
5Ani phap khe ang nini ha thiphla du
Ani hamya khusi khebo ang huiya kha.
Ani gajai khe Madai niha bi la ma
Ode boni ha map sain du, thi hi ang bao du.
Odehe, khrip ani phap khebo ning map khlai kha.
6Odebani, Madai khe maniyarao nangba ha nini ha bi la thing
Diyungma dephai khabo bonsi khe lon phu nang niya.
7Ning se ani khlai hi thimthan.
Dukhu ni phrang ang khe sogo nang
Ang khe dimkhao hi sogoba ni khlai hi
Ang bakhan ri hi rajab nang.
8Ning thangyaba lama khe ang sling ri hi phnu nang,
Ang nalaibo ning khe nai du, ning khe sagang gede langsmai nang.
9Musibo tharmaiyayaba mihleng lai, ode gorai lai da dong,
Bonsi khe sason khlai mane, bonsi ni khuh ha lagam phnang du kho, thi hi Gabra thi du.
10Phaphirao bislei dukhu ja nang
Jarni lonyarao khe de Gabra jarni khasaoma jang naiso hi deng nang.
11Subung gibirao, Gabra ha khusi jang khaja hi ning dong lah
Khrip khah belengyarao khaja hi jirikkhao lah.
Currently Selected:
BAKHAN NI RAJABTHAI 32: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
