BAKHAN NI RAJABTHAI 31
31
Lonma ni Bithai
Rajab hoja ni khlai hi: David ni bakhan ni rajabthai.
1 Gabra, dimkhao jao mane ang nini ha phai du,
Asaba khali bo ang khe laji da phnu ri.
2Nini khmao jang gainsong hi, ang khe srap sogo lah,
Ning ani khlai hi go mani longthaima ja lah,
Ani khorongmabo ja lah.
3Ning de ani longthaima ode derga se,
Nini bumu jang ang khe langsmai lah.
4Jeh ni dukhon ni phrang ang khe sikhon lah,
Ning de ani dimkhaoyaba se.
5Nini yao ha ani bese khe yaopha la du
O Gabra, lonma-gnang Madai, ang khe kho lah.
6Saokhuli maniyarao khe ang hamjaoya
Ang de Gabra khe lon du.
7Nini khasaoma-mayama ni khlai hi ang khajama jang gablai ma
Ani dukhu-hadi khe ning nu la du
Ani gmang-giji khe ning mithi thar du.
8Ani sotrurao ang khe rem mane ri nang niya
Asaba hathan habo thang phu mane ang khebo deng kha.
9Ang hamsi ning gmang-giji ja kha,
Gabra, ang khe khasao lah.
Waimu jang ani muthai bo nuya kha
Ani sao jang khah bo raoya phai kha.
10Ang nalai bo waimu jang dong du,
Ani bubli de hoi hi ning yaowai du;
Ani hamya khusi ni khlai hi bol bo giri kha,
Ani begreng buthu bo hamya thar kha.
11Ani sotrurao ang khe naisle du,
Ani noharirao ang khe malaothai du;
Ang khe mithiyarao bo ang khe khin du,
Mulug ni subung bo ani phrang dangkhlai lang kha.
12Githirao lai jasosi ang khe blao kha,
Mudik gabai lai jasosi ang ja kha.
13Gabang subung masap khaoleiba khe ang khna du
Khinthaothao ang khe gading du;
Bonsi sainlai hi ani hang khe sjam ma bao du.
14Ang de Gabra, ning khe lon du
Ning Madai se thi hi thi du.
15Ani bubli buthu nini yao ha dong
Ani dukhu riyaba ode ang khe riksaiyarao ni phrang ang khe sogo lah.
16Nini dangyasa ni basao ha khasaoma phnu lah,
Thaoya si khasaoma jang ang khe sogo lah.
17O Gabra, ang ning khe long la du, ang khe laji da phnu ri,
Phaphirao laji nu la thing,
Sheol ha khrip bo thang thing.
18Mosol thiyarao ni khuh de jo phuya thao thing,
Bonsi sangga du, gibi subung khe naisle du,
Ode boni basao ha grao niya niya thi du.
19Ning khe khinyarao ni khlai hi gabang ning hamba deng du,
Malai numa ne nini ha phaiginyaba ni khlai hi gabang khusi dang du.
20Malai hamya khlaima bao ba ha, bonsi khe dimkhao hi deng du,
Malai sijima baosai ba ha, bonsi khe jarni noh ha hui hi deng du.
21 Gabra khe bakhan khlai lah,
Sotrurao gading ba ha gmang thaosisi khasaoma ni khusi khe dang kha.
22Ang bao du, Gabra ang khe rikhlai kha,
Thikhabo, boni khasaoma-mayama khe ang sain hi, bo srap khna la kha
23 Gabra khe maya nangyarao, bokhe hamjao lah,
Gabra de lonyarao khe naiso la du,
Sanggama jang thang hi dongyarao khe de bo baslai su du.
24 Gabra khe jonyarao, jar khe rao ri hi dong lah,
Jar khe khitha rao ri lah.
Currently Selected:
BAKHAN NI RAJABTHAI 31: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
