BAKHAN NI RAJABTHAI 30
30
Khajama ni Bithai
Madai niha yaopha bani rajabthai
1 Gabra, ang khe sogo mani
khlai hi ang ning khe bakhan khlai du,
Ani basao ha sotrurao khe khaja riya.
2O Gabra, ani Madai,
Ang ning khe longba ha,
Ning ang khe ham ri kha.
3 Gabra, Sheol ni phrang ang khe khaikho kha,
Mangkhlong ha thangginyaba ha ning sogo kha.
4O boni subung gatharrao, Gabra khe bakhan khlai hi rajab lah,
Boni bumu gathar khe bakhan khlai lah.
5Boni thamsi de srap gasain ba lai bi
Boni nangjaoma de thang hi dongdu si
Hor ha gra hi thu kha bo,
Phorong ha khajama sophai re.
6Ang de khasuk jang bao hi thi du,
Ang asaba khali bo mao nang niya kha.
7 Gabra, ani basao ha nini hamthai hading lai jasosi rao ri kha,
Thikhabo, nini mukhang khe ani gede hui kha de ang gmang-giji ja du.
8 Gabra, ang ning khe long la du,
Gabra niha ning khasaoma ang sain la du.
9Ang thihhi norok ha thang la kha la, nini snadi lab ja ma?
Githirao ning khe bakhan khlai phu du?
Nini hamthai ni grao khe bai phu nang?
10 Gabra, khna lah, ang khe khasao lah
Gabra, Ning ang khe juru lah.
11Ani grathai khe khajama ha salai ri lah,
Sersi-giding khajama gablai thing.
12Thikha se, phirik phirik ang dongya hi
Ning khe bakhan khlai hi rajab ma;
Ning de ani Gabra, ani Madai se
Thaoglao jang ning khe ang bakhan khlai ma.
Currently Selected:
BAKHAN NI RAJABTHAI 30: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
