BAKHAN NI RAJABTHAI 29
29
Baryung ha Gabra-ni khurang
David ni bakhan ni rajabthai.
1O Madai ni basarao, Gabra khe bakhan ri lah
Gabra-ni muima ode raothai khe bakhan ri lah.
2 Gabra-ni bumu gedeba khe bakhan ri lah
Gathar ni gainsari gain hi Gabra khe khlim lah.
3Dih ni basao ha Gabra boni khurang khe baigo ri du
Madai dedao thaoyaba nokhasao grim ri du,
Sagor ni basao ha bo biring du.
4 Gabra-ni khurang de khusi dang phu daothaoyaba se
Gabra-ni khurang de gabang ning de bi dou.
5 Gabra-ni khurang jang Lebanon hading ni sidar bongphang buthu khe bo sbai thar kha
6Lebanon hading de mususa lai baithreng ba,
Sirion hading bo mithangsa lai ja kha.
7 Gabra ni khurang de nokhasao gurjliba lai jablai jablai ja du.
8 Gabra-ni khurang hajengling khe smao du,
Kadesh ni hajengling khebo Gabra smao du.
9 Gabra-ni khurang jang misai gamdi nangyaba bo garai du,
Hagra ni bongphang ni balai bo garaithar du.
Boni temple ha, Bislei gmang thaosisi thi hi bonsi thi du.
10 Gabra dih limyaba ni basao ha kham du,
Gabra thaoglao jang yaowai ma.
11 Gabra jarni subung buthu khe bol ri nang
Gabra jarni subung buthu khe khasukbo ri nang.
Currently Selected:
BAKHAN NI RAJABTHAI 29: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
