BAKHAN NI RAJABTHAI 26
26
Gibi subung ni bithai
David ni.
1O Gabra, ani khah gibi khe hamsisi phnu ri
Gabra khe ang lon du, ang maoya kha.
2Ang khe nainai hi nai lah,
Ani baothai-khathai khe nainai lah.
3Nini khasaoma-mayama ning ang khe langsmaiyaba se,
Nini lonma-gnang jang ang khe langsmai du.
4Haglai subung jang baosi ang khamya
Giriklaiyarao niha bo ang lugu khaya.
5Hamya khusi dangyarao bojom jayaba khe ang hamjaoya,
Phaphirao niha bo ang lugu khaya.
6Ang gajai khusi khe dangya,
Gabra-ni khapra ha ang khlim du.
7Hamthai ni rajabthai khe ang rajab du
Boni gmang thaosisi khusi khe ang sainthi du.
8O Gabra, nini dongthan khe ang bao hi khathao du,
Nini muima jang gablaiyaba hathan khe.
9Phaphirao ni bising ha ang khe da sjam,
Ang khe sthaibaiyarao ni bising habo da sain pha.
10Bonsi ni yaosi ni yao jang phap khusi dang du,
Bonsi ni yaoda gede yaoajao ajao la du.
11Ang de hamba gibi khusi khe se dang ba,
Ang khe khasao hi sogo lah.
12Gibi jang githimyarao niha ang ning khe bakhan khlai ma.
Currently Selected:
BAKHAN NI RAJABTHAI 26: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
