BAKHAN NI RAJABTHAI 25
25
Naiso mani bithai
David ni bakhan ni rajabthai
1O Gabra, nini gede ang nai du
2O ani Madai, nini basao ha ang khah de du,
Ang khe laji da phnu ri.
Ani sotrurao bo ani basao ha da sangga thing.
3Ning khe jonhi dongyarao de saosibo laji nu nang niya
Sere mosol jo re, bo de laji nu ma se.
4O Gabra, nini lama buthu khe a ne phunu ri
Nini nangjaothai jang ang khe sling ri.
5Ang lonjao gothai dong mani ang khe sling ri
Ning ani sogoyahba Madai se,
Sainsong ning khe ang jon hi dong du.
6O Gabra, sagang ni phrang nini khasaoma-mayama khe wainso lah.
7Ang nagasa ja hi dongba ha ani gajai khe da wainso si.
O Gabra, nini khasaoma-mayama ni khlai hi ang khe wainso lah.
8 Gabra de hambi ode gibi se
Phaphirao khe bo hamba lama sling ri du.
9Dukhi sarao ne gibi bisar khlai du
Khah gasainyarao khe boni lama khe sling ri du.
10Boni grao hanggaiyaba ode tharmai riyaba khe maniyarao ne
khlai hi de Gabra lonma gnang ode khasaoma-mayama gablaiyaba se.
11O Gabra, ani gajai bang bi
Nini bumu ni khlai hi ang khe map khlai lah.
12 Gabra khe khin hi dongyarao ne de
Boni lama khe saikhu mane bo juru ma se.
13Khrip hamba phantha de bo mai ma se
Boni sarik-surik bo raji ha dong hi bubra ja ma se.
14 Gabra khe khinyarao boni daphlungrao se
Boni grao hanggaiyaba khe bonsi ne ragaosisi thi ri du.
15 Gabra khe ang jon hi ning dong, bo ning igah khe dukhon ni phrang khuru ma se.
16Ani gede naiphin hi ang khe khasao lah,
Waimu jang ang ram kha.
17Ani khah lengyaba khe ning juru lah,
Khah rainyaba ni phrang ang khe khaikho lah.
18Ani khah dukhu ode gmang-giji khe nai lah,
Ani phap dongba si khe sjam lah.
19Nai lah, ani sotrurao bislei bang lang la kha?
Bonsi ang khe hamsi ning jajaoya.
20Ang khe dimkhao hi khaikho lah,
Ang nini ha galai laphai du, ang khe laji da nu ri.
21Hamba gibi ode girikthai jang ang khe dimkhao thing,
Ang jon hi ning dong ma se.
22O Madai, Israel sarao ni gmang-giji khrip ni phrang khaikho lah.
Currently Selected:
BAKHAN NI RAJABTHAI 25: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
