BAKHAN NI RAJABTHAI 27
27
Bakhan ni Bithai
David ni
1 Gabra de ani jdanma ode ani sogoma se
Ang sere khe khin ma?
Gabra de ang khe dimkhaoyaba ni khorong se
Ang musibo khin nang niya.
2Ani sotrurao ode ang jang nanglaiyaba phaphirao
Ang khe sthaima ne bao la khabo
Bo khuda hi galai thar kha, bo galai lang la kha.
3Phaphirao ni githim khoh ang khe gading la khabo
Ang bonsi khe khinya.
Hamya subung buthu jang nanglai khabo, bonsi khe ang khindaoya kha.
4 Gabra niha bordan masi ang sain du
Bokhe se ning ang smai ma,
Gabra-ni majangma khe mai ma ne
Ang phorongma bo jang goron lai du.
Thang hi dongdu si Gabra-ni noh ha ang dong songphu mani khlai hi.
5Gmang-giji ni basain habo ang khe jarni khepsa ha hui hi deng ma,
Jarni rih ni nohsing ha ang khe hui ma se,
Longthaima ni basao ha ang khe bamkhu hi deng ma se.
6Gadingyaba sotrurao ni basao ha ang dong nang,
Boni temple ha ang bibul lai khurang jang Madai hu hi yaopha nang.
Gabra khe bakhan khlai hi ang rajab la nang.
7O Gabra, ang ning khe long la du, ani khurang khe khna lah,
Ang khe khasao hi grao thiphin ri lah.
8O Gabra, ning thi ba, Ang khe smai,
Ang de ning khe se smai ma.
9Ani ha ning da hui,
Nini thamsi jang nini dangyasa khe yaohon da phin,
Ning de ang khe juruyaba ning, ang khe da haiger.
Ang khe sogoyahba Madai, ang khe da dangkhlai.
10Ani buma-bupha ang khe haiger kha,
Thikhabo, Gabra ang khe naiso nang.
11O Gabra, nini nangjaoba lai ang khe sling ri
Sotrurao lama ha jon hi dongba ni khlai hi
Gibi lama ha ang khe langsmai lah.
12Ani sotrurao ani basao ha nangjao ba lai khlai ma ne ang khe da ri
Subung themphre ode mosol jang gajai ha galai riyaba, bonsi ang khe dukhu ri du.
13Thang hi dongyaba subung ni raji ha, Gabra-ni hamthai khe mai nang thi hi
Asa jaya kha de, ang raoya lang la ma se.
14 Gabra khe jon song lah,
Khinya hi khah rao hi dong lah,
Khah lao hi Gabra khe jon song lah.
Currently Selected:
BAKHAN NI RAJABTHAI 27: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
