BAKHAN NI RAJABTHAI 24
24
Raja gedeba
David ni bakhan ni rajabthai.
1Pirthi ode boni bising ha dongyaba khripbo Gabra-ni se,
Habsao ode boni bising ha khrip dongyaba buthubo Gabra-ni se.
2Sagor ni basao ha pirthi khe dang ba
Sagor ni basao ha bokhe kham ri ba.
3 Gabra-ni hading ha sere gakhu ma,
Boni gathar hathan ha sere song phu ma?
4Yao ragaoyaba, khah ragaoyaba subung,
Saokhuli khe maniyayaba, ode
Mosol jang smai dangyayaba subung de.
5 Gabra ni phrang gabang hamthai mai nang,
Bokhe dimkhaoyaba Madai bokhe gajai ja riya.
6 Gabra-ni gede sere thang du, olei ning ja ma se,
O Jakob ni Madai, ning khe smaiyarao de.
7O Khorongma ni derga, gede khuru lah
Raja gedeba hap phai ma se.
8Bo Raja gedeba la sere?
Gabra, raodao thaoyaba ode khusi dang phu daothaoyaba,
Jbah ha khitha raodao thaoyaba se.
9O Khorongma ni derga, gede khuru lah,
Nisi gada ni derga buthu, gede khuru lah,
Odese, Raja gedeba de hapsing phai ma.
10Bo Raja gedeba la sere?
Gabra, khrip ni Gabra,
Bo ning gedeba Raja se.
Currently Selected:
BAKHAN NI RAJABTHAI 24: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
