BAKHAN NI RAJABTHAI 23
23
Gabra jing khe naisoyaba
David ni bakhan ni rajabthai
1 Gabra ani naisoyaba se,
Ani khlai hi bao jo nang niya.
2Bo ang khe sam gakhrang gili duduyaba ha lenggo ri du
Bo ang khe dih dergong ha nalaibo lang du.
3Bo ani hayu khe gadain slamphin du
Bo boni bumu ni khlai hi gibi lama ha ang khe lang du.
4Githi ni sigring ha ang hem la khabo
Hamyayaba musi khebo ang khinya kha
Bedethikhade, ning ang jang baosi dongpha du
Nini goda jang ode nini yaothu jang ang khe khasuk ri du.
5Ani sotrurao ni muh ha anthane mel salai ri kha
Ani khro habo thao hu ri kha,
Ang lingma ni bela ha luhi gaphao kha.
6Ang gibi jang mithi du, nini hamba ode khasaoma jang
Ani haiyu thiya si ang jang dongpha ma
Odese Gabra-ni noh ha thaoglao jang ang dong ma.
Currently Selected:
BAKHAN NI RAJABTHAI 23: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
