BAKHAN NI RAJABTHAI 21
21
De mani khlai hi bakhan ni rajabthai
Rajab hoja ni khlai hi: David ni bakhan ni rajabthai.
1 Gabra, nini raothai ha Raja gabang ning khaja la du.
Ning bokhe de riba ni khlai hi gabang ning khaja la kha!
2Boni khah ha nangjaoba lai ning bonthane ri la kha
Bo snadi khe sain ba, ning bokhe ri kha.
3Gabang hamthai jang ning bokhe lamjao ba
Hamba gajao ni khrothu khe boni khro ha thu ri ba.
4Hayu sain bani, ning ri la kha
Thaoglao ni khlai hi ham hi dong mani ri ba.
5Bokhe sogoba ni khlai hibo gede Raja ja ba,
Boni basao ha man ode bakhan khe khrothu thu riba lai thu ri ba.
6Nalai bo bonthane hamthai ri du
Nini saogari khe phnu hi bo khajama mai la du.
7 Gabra khe Raja gabang ning lon la du
Judao thaoyaba ni hamjaoma ni khlai hi bo maodaoya.
8Nini yaosi ni yao jang nini khrip sotru khe saikho thar kha
Nini yaoda ni yao jang ning khe maniyayarao khe rikhon thar kha.
9Ning nujao phaiba ni sainkhali ha bonsi khe wai ha lemsing ma
Gabra nini thamsi jang bonsi khe molo thar ma, Ode, nini wai jang bonsi thaphla ja ma.
10Bonsi ni bongso bo phirthi ni phrang jamso ma,
Ode, bonsi ni sarik-surik bo subung ni phrang jamso ma.
11Nini basao ha bonsi hamya khusi dang ma bao du,
Bonsi ni khah ha bao hi dongyaba buthu jaso nang niya.
12Nini bla jang bonsi ni mukhang ha suinai ma
Bonsi khin hi yaohon phin hi khai ma.
13 Gabra, nini raoma ni khlai hi bakhan ja thing,
Nini raothai khe jing bakhan ri hi rajab ma.
Currently Selected:
BAKHAN NI RAJABTHAI 21: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
