BAKHAN NI RAJABTHAI 20
20
De mani bithai
Rajab hoja ni khlai hi: David ni bakhan ni rajabthai.
1Gmang-giji jahi dongba ha,
Gabra ang khe thiphin hi Jakob ni Madai ang khe dimkhao thing.
2Gathar hathan ni phrang ninthane juruma haiha hi, ode,
Zion ni phrang ang khe juru thing.
3Nini khrip bandai riyaba, ode
Nini thaophari saoyaba khe bo ajao la thing.
4Ning nangjaoba lai ning bo ri thing
Ode ning baoba lai ning khrip jathar thing.
5Jekhali ning deba ha jing khrip bo jirikkhao hi khaja ma
Ode, jini Madai ni deyaba sindai khe guju ha sugu ma
Nini khrip biyaba khe Gabra jaso ri thing.
6 Gabra jarni thao huyaba khe sogo phu du thi hi ang tharmai la kha
Boni gathar sorgo ni phrang thiphin kha
Boni yaoda ni yao jang gede khlai hi de mani ri ba.
7Sereba jarni gorai ni gari khe lon la du
Sereba jarni gorai khe lon la du.
Thikhabo, jing Gabra Madai ni bumu khe lon ma se.
8Bonsi gasle hi galai ma se.
Thikhabo, jing baija ma ode gibi jang song hi dong ma.
9O Gabra, Raja khe sogo lah,
Jing longba ha thiphin ri lah.
Currently Selected:
BAKHAN NI RAJABTHAI 20: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
