BAKHAN NI RAJABTHAI 19
19
Sangsaiyaba ha Madai ni muima phu du
Rajab hoja ni khlai hi: David ni bakhan ni rajabthai.
1Nokhasao Madai ni muima khe khaikho du
Nokhasao ha boni jarni yao ni khusi khe dang phnu du.
2Basain masi jang masi sain la du
Hor bo olei ning nangyaba grao ri pha lang du.
3Boha siri siri dong ba, khurang bo khnaya
Bonsi ni khurang khnama ni musibo giri.
4Thikhabo bonsi ni khurang pirthi grong-bri gablai kha,
Bonsini grao phirthi ni grong-si ni phrang grong-si sosi gablai du.
Oraha sain ni khlai hi Madai noh slam ba.
5Daman jarni nusing ni phrang khaja hi baigo ba lai,
Ode khaja hi khai ba raoyaba lai, sain bo
6Sainbreba ni phrang joroba lai
Sainjroba gede khailang ba lai thang du
Boni dungthai khe tharmaiyayaba saosi bo giri.
Gabra-ni Dara
7 Gabra-ni dara gibi se, hayu khe smao ri du
Gabra graothai sainthiyaba de lonjao ginyaba se, gibir khe buddi halai ri du.
8 Gabra-ni slingrithai gibi se, khah khe khajama ri du
Gabra-ni hukhum gathar se, muh nu ri du.
9 Gabra khe khin hi ning dong ba hamba se, bo thaoglao jang dong ma,
Gabra-ni sashon de gibi se, khrip gede bo hamba se.
10Gajao thabo dudao
Hamba gajao thabo hamdao,
Beredih thabo didao
Bere barang ha dongyaba beredih thabo didao.
11Bo buthu jang se nini dangyasa khe sling ri ba
Bokhe maniyarao ni khlai hi yaosandi bang bi.
12Jarni gajai khe sere tharmai ba?
Nujaoyayaba phap ni phrang ang khe susa ri.
13Sangga phuyama ni khlai hi nini dangyasa khe raokhi lah
Ang khe da sangga ri.
Odese, ang gibi ja ma
Ode, gajai ni phrang ang go phu ma.
14O Gabra, ani longthaima ode sogoyah,
Ani khuh ni graothai ode khasu ha bao hi biyaba khe
Nini sagang ha hamba ja thing.
Currently Selected:
BAKHAN NI RAJABTHAI 19: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
