BAKHAN NI RAJABTHAI 14
14
Subung ni hamyathai
Rajab hoja ni khlai hi: David ni bakhan ni rajabthai.
1Gibir de jarni khah ha, Madai giri thi hi thi re
Bonsi khrip hasla se, odebani regeyaba khusi khe se dang ba,
Gibi khusi dang ne saosibo giri.
2Girik hi khusi dangyaba dong na giri thi hi
Gabra sorgo ni phrang naikhla ha du.
3Thikhabo, khrip belengyaba lama khe gar kha
Ode, bonsi ni khah ha bo hamya baothai gablai kha.
Saosi bo hamba khusi dangya kha, saosi jahi bo giri.
4Haslarao malai ni jiphain khe jiba ha tharmai laya lao?
Olei ning Gabra-ni bumu khe jirikya.
5Gibirao jang Madai dongpha bani bonsi khin du.
6Dukhi sarao ni baothai khe baophrang riya du
Thikhabo, bonsi khe Gabra ning dimkhao ba se.
7Zion ni phrang Israel ni sogoyahba sophai thing
Gabra jarni subung khe damdao ri mani bubli ha
Jakob ni sarik-surik bislei khaja nang!
Currently Selected:
BAKHAN NI RAJABTHAI 14: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
