BAKHAN NI RAJABTHAI 15
15
Madai snadi nangjao ba
David ni bakhan ni rajabthai.
1O Gabra, nini rih ni noh ha sere dong nang,
Nini hading gathar ha sere dongsong ma?
2Gibi jang dongyaba, ode khusi dangyaba
Khasu jang gibi grao thiyaba,
3Oleiyaba subung malai khe sijiya.
Lugurao ni basao ha bo hamya dangya,
Noharirao khebo naijiya jaya.
4Phaphirao khe de basasa se nai ba,
Gabra khe khinyarao khe guju se nai ba.
Jarne hamya lakha bo joban lai khusi dang ba.
5Haphain lama ni khlai hi malai ne rang jaoba riya,
Hamba subung khe gajai ha galai rima ne rang laya.
Olei dangyaba de dukhu ha galai thaoya.
Currently Selected:
BAKHAN NI RAJABTHAI 15: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
