BAKHAN NI RAJABTHAI 13
13
Juruma ni bithai
Rajab hoja ni khlai hi: David ni bakhan ni rajabthai.
1O Gabra, bislei sosi ang khe naisoya hi dong ma?
Bislei sosi nini mukhang khe hui ma kho?
2Bislei sosi ang khah ha bao hi dukhu nang ma kho?
Sain-hor ang olei ning dong ba.
Bislei sosi ani sotrurao ang khe gakhlik jao hi dong ma kho?
3O Gabra, ani Madai, ani gede nai lah, ode thiphin ri,
Ani muh khe khuru ri, niyakha de ang galai hi thih la ma se.
4Ani sotru ang khe, Ang de la kha thi hi da thiphu thing,
Ani jathai hamya thi hi ani sotru da minithai thing.
5Ang nini khasaoma ha se asa dong ba
Ang khe sogo nang thi hi ang khaja la du.
6Ani basao ha hamthai riba ni
Gabra-ni bakhan ni khlai hi ang rajab ma.
Currently Selected:
BAKHAN NI RAJABTHAI 13: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
