BAKHAN NI RAJABTHAI 12
12
Juruma ni bithai
Rajab hoja ni khlai hi Seranda jang: Birili gasaing hi rajab ma. David ni bakhan ni rajabthai.
1 Gabra, ang khe juru, Madai khe smaiyarao gma thar kha,
Subung buthu ni bising ha lonma gnang giri kha.
2Jarni lugurao niha mosol thi re
Khuh gidi jang thokhi re.
3 Gabra, mosol thiyarao ni khujer khe
Ode, sanggayarao ni slai khebo raso la thing.
4Grao joba blai bi, odebani nangjaoba lai thi la phu du,
Jini basao ha saosi bo giri thi hi bonsi thi re.
5 Gabra thi du, Dukhi sarao khe nekhlik bani khlai hi
Suliyayarao ni dukhu ni khurang ni khlai hi,
Ang baija hi, bonsi khe dimkhao la ma.
6 Gabra-ni smai de gathar se
Guphu khe wai ha phin sni malang ba lai jasosi se.
7 Gabra, ang khe naisoyaba ning se,
Ebo jug ni subung ni phrang nalai bo dimkhao lah.
8Phaphirao khrip gede dongsong du,
Subung ni bising ha phap khe sugu hi bakhan ri du.
Currently Selected:
BAKHAN NI RAJABTHAI 12: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
