Popular Bible Verses from Hebre 13

Share

Núngmòq é chyungxe duì hkyô má, ngùn lé chyitdàp é myìt tô pyám mù, núngmòq wó é lé nhik dìk nyì keq, haî mù gâ le, Garai Gasang gi, “Hkâ-nhám le, Ngò, nàng eq a gang râ; hkâ-nhám le, Ngò, nang lé a tô pyám râ.” ga taî é nghut lhê.

Yesuq Hkrisidùq gi, anyí-nap, hkû-nyí, htângnùng pyàt dedu rajung za nghut nyi ri.

Haû mù, ngá-nhúng gi, hkyak lum é myìt mai, “Haû Yhûmsîng gi, ngo lé garúm sû nghut lhê yánmai, ngò, gyùq râ a nghut. Ó yùq wá, ngo lé haî wó kut râ lhú?” nghû taî é nghut lhê.

Ge é hkyô kut râ eq góbang lé shuî gam chûng râ hkyô lé, hkâ tô-myhí kó; hkâsu mù gâ le, Garai Gasang gi, haû sû é hkungga pé lé ô ngui nyi ri.

Haû mù luî, ngá-nhúng gi, Garai Gasâng é myìng lé yín yu é nhutwuî ashi nghut é, hkya-on hkungga lé, Yesuq dông mai, Garai Gasâng chyáng xoq xoq nhông byî nyì sháng.

Myiháng hkyô gi, lhúnglhâng bâng èq hpautap é hui râ dùt é nghut mù, myiháng yhuphpú gi, sân-yúng râ dùt lhê. Hkâsu mù gâ le, Garai Gasang gi, su-myi sulàng lú é bang eq ashop é dông gùngsho zùm yàp é bang bànshoq lé jéyáng râ nghut lhê.

Byù bíng pé lé hkûlûm râ hkâ tô-myhí kó; hkâsu mù gâ le, ra-am gi, haû su kut nyî kô é yánmai, a sê é za maumang lagyô pé lé hkûlum záng bekô nghut ri.

Sau hpúng pê é sau zúng Sû mó nghut é, ngá-nhûng é Yhûmsîng Yesuq lé, haû ahtum abyùq é dangshikaq é sui dông, shî bê mai dum lhoqdui toq é sû, nguì ngón hkyo é Garai Gasang gi, Yhang ô nau é hkyô kut râ matú ge é hkyô jung hkangmó núngmòq lé lhoq gúmjùp byi mù, Yesuq Hkrisidùq dông mai Yhang lé gabú nhang é hkyô lé, ngá-nhûng chyáng kut nyî sháng gàq. Hpungwup shingkang gi, Yesuq Hkrisidùq chyáng pyàt dedu ahtum abyùq ru joq nyî sháng gàq. Amen.