Popular Bible Verses from Hebre 12

Share

Haû mù luî, ngá-nhúng gi, haû myhô é sàksé pé mhutdûm su ngá-nhûng é lhînghkyùq má jòq to bê nghut é yánmai, ngá-nhúng lé hkûm tang é hkyô pé jung hkangmó eq, luì za lhoqnhúng byî é yubàk mara lé dú pyám mù, ngá-nhúng dìn râ matú tô tô é hkyô lé, hkam jan luî din e ló sháng. Ngá-nhúng gi, ngá-nhûng é lùmjíng hkyo é a-pûn awang lé hî sû eq lhoq gúmjùp byi sû nghut é Yesuq lé wú tsuq nyî sháng. Yhang gi, Yhâng é hí má jòq tô é gabú hkyo é yánmai, hoq hpû é hkyô lé haî su a ngam é za, tapzîng má shî hkâm é hkyô lé jân pyám luî, Garai Gasâng é hkóhkâm tángmyhang é lòqyo hkyam shut zung to bê nghut ri.

Mhoqshit é hkyô hkangmó gi, mhoqshit u lé ngón hkyô a nghut é za, nò hkâm hkyô nghut nyi ri. Nghut kôle, mhoqshit hkyô haû lé hkam yù bê bâng é matú gi, htâng má, nguì ngón hkyô eq díngmán hkyo é ashi lhoqhtoq byî ri.

Byù bànshoq bang eq nguì ngón shoq nyì râ eq chyoiyúng râ matú wó dùt é í shi-kùt keq. Hkâsu mù gâ le, ó yùq le, chyoiyúng hkyô a bo é gi, haû Yhûmsîng lé myàng râ a nghut.

Núngmòq gi, a ngú byùq râ eq myìt wum a gyuî byùq kó sháng gàq, yubàk dàp bâng chyáng mai haû su htuqhtîng é hkyô lé jân pyâm é Yesuq chyáng mai myìt wum yù keq.

Haû mù luî, ngá-nhúng gi, a wó lhoqnhûn é mîngdán lé hàp yu to bê nghut mù, jeju bun luî, hpautap é eq gyùq hkúnggâ é myìt mai Garai Gasang hàp yù gíng é dông noqkuq sháng.

Mhoqshit huî é hkyô má, wuîhkê é lé hkam jan keq. Garai Gasang gi, núngmòq lé, zo wuî lé dông kut é ru nghut lhê. Hkâsu mù gâ le, yhûmsing é yhâng wâ èq a mhoq é zo gi, ó wá nyi lhê lhú?

Hkâsu mù gâ le, ngá-nhûng é “Garai Gasang gi, nyé jôm é myi nghut ri.”.

Ngá-nhûng é xângzo îwâ pé gi, yhángmòq je ge dik bûn é lé, ngá-nhúng lé rayòq zo mhoqshit ri. Nghut kôlhang, Garai Gasang gi, Yhâng é chyoiyúng hkyô má ngá-nhúng wó bo lòm shoq, ngá-nhûng é gè hkyo é matú, ngá-nhúng lé mhoqshit ri.

Núngmòq gi, yubàk mara lé htuqhtîng shi-kùt é hkyô má, núngmòq é sui shun pyám shoq yhang a kut shi kó nghut ri.