Popular Bible Verses from COLOSENSES 3

Share

peyogüɨropɨa, peɨ̈ro oyoupe oime yave kia iyarasɨ. Cristo iñɨ̈ro peve rami, jökorai vi pe reta peɨ̈ro.

Peyemongeta mbaembae ara pegua re, agüɨye peyemongeta mbaembae ɨvɨ pegua re.

Jare opaete mbae peyapo vae, peyapo pepɨa-kɨ̈reɨ ngatu reve, yandeYa pe peyapo rami, jare mbaetɨ kuimbae peguarä rami.

Peyemonde Tumpa jembiparavo, jae oñono tee iyeupeguarä jare jembiaɨu reta rami: Peporoparareko ete kavi, pepɨakavi oyoupe, peñemomichi, pepɨaguasu oyoupe

Cristo iñee toiko avei pepɨa pe. Peyomboe jare peyomboarakuaa päve opaete arakuaa rupi. Peyerovia katu reve petairari yandeYa pe, salmo reta rupi jare tairari reta Tumpa pegua rupi. Opaete mbaembae peyapo vae ani pere vae, peyapo opaete yandeYa Jesús jee re, pemee reve yasoropai yandeRu Tumpa pe yandeYa Jesús rupi.

Opaete kuaekuae reta güi peyoaɨu. Echa mboroaɨu ko ikavi yae oporomometei vaerä.

Jáeramo, Tumpa pemoingove Cristo ndive ramo, peeka mbaembae ara pegua re, Cristo oguapɨ oï Tumpa iyakatu kotɨa pe.

Jare Tumpa ipɨakatu toiko pepɨa pe, echa jaerä Tumpa peparavo peiko vaerä metei jeteño; pemee avei yasoropai Tumpa pe.

Jáeramo, peyuka opaete teko ikavimbae oï peré vae, jae ko: Aguasa, ikɨa vae, soo jemimbota reta, mbae ikavimbae, mbaepota rai (jae ko tumpa-raanga rami).

Echa pemano ma ko, jare perekove oime ma oï Cristo ndive Tumpa re.

Ërei añave peeya opaete kuae ïru ikavimbae vae reta: Arasɨ, mbochɨ, ikavimbae, mboroangao Tumpa kotɨ vae, ñee ikavimbae vae.

Agüɨye peapu oyoupe, echa peekɨ ma peyeugüi pereko indechigüe pɨ̈chɨi vae jare ikavimbae vae peyapose vae, jare peyemonde ma teko ipɨau vae pe. Echa kuae teko ipɨau vae oyembopɨau aveita ojo oiko oyekuaa regua iyapoa rami, oikuaa kavi regua.

Kuimbae reta, peaɨu perembireko, jare agüɨye peñeeasɨ katu chupe.

Kunumi reta jare kuñatai reta, peñeereendu peru reta pe opaete mbae pe, echa kuae omboyerovia yandeYa.

Kuña reta, peiko peme jeia re, yandeYa re oporogüɨrovia vae jeko rami.