COLOSENSES 3

1Jáeramo, Tumpa pemoingove Cristo#Ro 6.4-11; Col 2.12. ndive ramo, peeka mbaembae ara pegua re, Cristo oguapɨ oï Tumpa#Sal 110.1; Heb 1.3. iyakatu kotɨa pe. 2Peyemongeta mbaembae ara pegua re, agüɨye peyemongeta mbaembae ɨvɨ pegua re. 3Echa pemano ma ko, jare perekove oime ma oï Cristo ndive Tumpa re. 4Cristo ko perekove.#Gl 2.20; Flp 1.21. Cristo oyekuaa ye yave, pereta vi peyekuaata jae ndive mbaemboetea reve.

Teko indechigüe jare tekove ipɨau vae

5Jáeramo, peyuka opaete teko ikavimbae oï peré vae, jae ko: Aguasa, ikɨa vae, soo jemimbota reta, mbae ikavimbae, mbaepota rai (jae ko tumpa-raanga rami). 6Kuae mbaembae ikavimbae jeko pegua Tumpa iyarasɨ oitɨ iñeereendumbae#Ef 2.3. reta re, 7tenonde yave pe reta vi peyapose kuae ikavimbae vae reta, peikose yave pɨpe. 8Ërei añave peeya opaete kuae ïru ikavimbae vae reta: Arasɨ, mbochɨ, ikavimbae, mboroangao Tumpa kotɨ vae, ñee ikavimbae vae. 9Agüɨye peapu oyoupe, echa peekɨ ma peyeugüi pereko indechigüe#Ef 4.22. pɨ̈chɨi vae jare ikavimbae vae peyapose vae, 10jare peyemonde ma teko ipɨau#Ef 4.24. vae pe. Echa kuae teko ipɨau vae oyembopɨau aveita ojo oiko oyekuaa regua iyapoa#Gn 1.26; Ef 2.10. rami, oikuaa kavi regua. 11Jare kuae teko ipɨau vae pe mbaetɨ ma oyemboyoavɨ judiombae judío güi, oyembocircuncida vae oyembocircuncidambae güi, yaikuaambae ani ketɨgua, oyeokuai vae jare oyeokuaimbae vae, jaeño ko Cristo oiko jare oï opaete pe.

12Peyemonde Tumpa jembiparavo, jae oñono tee iyeupeguarä jare jembiaɨu reta rami: Peporoparareko ete kavi, pepɨakavi oyoupe, peñemomichi, pepɨaguasu#Ef 4.2. oyoupe, 13peyogüɨropɨa, peɨ̈ro oyoupe oime yave kia iyarasɨ. Cristo iñɨ̈ro peve rami, jökorai vi pe reta peɨ̈ro.#Ef 4.32. 14Opaete kuaekuae reta güi peyoaɨu. Echa mboroaɨu ko ikavi yae oporomometei vaerä. 15Jare Tumpa ipɨakatu toiko pepɨa pe, echa jaerä Tumpa peparavo peiko vaerä metei jeteño; pemee avei yasoropai Tumpa pe.

16Cristo iñee toiko avei pepɨa pe. Peyomboe jare peyomboarakuaa päve opaete arakuaa rupi. Peyerovia katu reve petairari yandeYa pe, salmo reta rupi jare tairari reta Tumpa pegua rupi. 17Opaete mbaembae peyapo vae ani pere vae, peyapo opaete yandeYa Jesús jee re, pemee reve yasoropai yandeRu Tumpa pe yandeYa Jesús#Ef 5.19-20. rupi.

Tekove ipɨau pe kërai yaiko vaerä

18Kuña reta, peiko#Ef 5.22; 1 P 3.1. peme jeia re, yandeYa re oporogüɨrovia vae jeko rami. 19Kuimbae reta, peaɨu#Ef 5.25; 1 P 3.7. perembireko, jare agüɨye peñeeasɨ katu chupe.

20Kunumi reta jare kuñatai reta, peñeereendu peru reta pe opaete mbae pe, echa kuae omboyerovia#Ef 6.1. yandeYa. 21Tu reta, agüɨye pemboarasɨ#Ef 6.4. peraɨ ani perayɨ reta, agüɨye vaerä pemoäteɨ.

22Tembiokuai reta, peñeereendu katu peya reta ɨvɨ pegua pe. Agüɨye peyeokuai omae oï peré yaveño, jókuae ikɨ̈reɨ omboyerovia vaerä vae reta rami. Jaeño pepɨa-kɨ̈reɨ ngatu reve, jare peipoɨu reve Tumpa güi. 23Jare opaete mbae peyapo vae, peyapo pepɨa-kɨ̈reɨ ngatu reve, yandeYa pe peyapo rami, jare mbaetɨ kuimbae peguarä rami. 24Echa peikuaa ko yandeYa omboekoviata peve jókuae omeeta pembaerä vae. Echa peyeokuai ko peï yandeYa Cristo pe. 25Ërei jupimbae oyapo vae pe, oyemboekoviata jókuae jupimbae#Ef 6.5-8. oyapo vae, echa Tumpa mbaetɨ ko oporomboyoavɨ.#Ef 6.5-8.

Currently Selected:

COLOSENSES 3: GUABD

Highlight

Copy

Compare