Popular Bible Verses from Erubasa 17

Share

Is elukuy nu, ne egkehizuwan kezin te langun he timpu, wey iyan ketuyuan ke maan is duen nu perinti, para zuen edtavang kenikew te timpu te kelised.

Emun layun duen kelipey he egketaǥù diyà te ǥehina ta, ebmeupiya is kedlelawa ta, iyan, emun layun dà seeng is egketaǥù diyà te gehinawa ta, egkezeetan is kedlelawa ta.

Is etew he ebpeseyluwen din is ebpekesalà diyà te kandin, igkepenurù din pinaaǥi zutun he iyan hustu he ed-ul-ulahan is kegiǥineǥawa, ne is ed-uman egkeyungkat dutun te sayep ne ebpekebulang te utew teleemiǥu.

Is etew he uluwanen, emun egkaǥi, ebpekeventayan din is menge lalag din su wey kenà mekekaǥi te kenè hustu, ne is meudseb he etew mevented sikandin.

Minsan is tulebung kunaan ta ke uluwanen wey meudseb emun ebperpereremek dà sikandin.

Meupiya pa is pemilya he usahay vehew zà is egkeenen dan, iyan, melinew is kedezepitè dan, kenà is pemilya he layun dà meupiya is sezè dan, iyan, ebpekunkuntedahà.

Is puunà te kesevaan, ne iring te zeisey he vudsi ziyà te teleǥuey te wahig; umbe edsengsengen heini te wazè pa medekelà.

Is kedlibriya te nekesalà wey is kedsiluti te wazà mekesalà, ne pudu kenà igkesuat te NENGAZEN.