Popular Bible Verses from Erubasa 18

Share

Is kedlalag, dezuwa is rimeǥas din, kedlalag he ebpekelibri wey kedlalag he ebpekekaid. Umbe is berèbaan egkezawat din is rimeǥas te menge egkeǥiyen din.

Is NENGAZEN, iring te melig-en he turi he iyan egkeeputan te menge metazeng su wey zan kenà mekeizi.

Duen kebpeemiǥuwà he kenà egkeuǥet, iyan, duen daan kebpeemiǥuwà he edhuna pa te kedtelesuled.

Emun ebpekeesawa is etew ne meupiya heeyan, ne tuus heeyan he midtuvazan sikandin te NENGAZEN.

Taleng wey ebpeeled-eled is etew he tekew en edtavak te wazè din pemineǥa.

Is tulebung he etew ne wazè din isipa is kebpeiseg te kedsavut din; iyan egkesuatan din he ibpahayag is kandin he egkengeisip umbe layun din ibpezineg.

Is kebpelavew te etew ebpekezezaat kandin, iyan, edeliǥen mulà is etew he kenà mepelevawen.