Popular Bible Verses from KULUSE 3

Share

Mepo ne ikem selepeʹ. Ngan buk ca usa neng ahang ikem ban un salaʹ neng dulu diaʹ ca, sau ne salaʹ ina neng ahang ikem selepeʹ. Kumpin Tuhan lepa sau penyalaʹ kem, pekina lete ikem ke sau penyalaʹ kem selepeʹ.

Tekep kem lemuto nyalet kimet cem neng puyan iaʹ kaʹ surga ina, abeʹ e un neng puyan iaʹ kusun tanaʹ ini.

Mele inu iaʹ gayeng ngkem, pegayeng ne ngan toʹ tekaʹ penyanget kimet cem, seleket tekaʹ kem ke pegayeng me Tuhan, abeʹ e me kelunan.

Ikem ne diaʹ anun Allah. Allah iaʹ malaʹ ikem, ngan lemileʹ ikem tai nuyan diaʹ anun ne tengen. Tuman ina, tekep lete ikem ke un kimet malaʹ, puyan lesau, libaʹ tawai, lemaʹ saheʹ, ngan denaʹ tawai.

Tekep lete tiraʹ Keristus ina ngan mung peniga ha ke mudip dalem penawai hem. Pekalai ne ngan pekatuk ne ikem selepeʹ, man toʹ tekaʹ penudi hem. Ngentau ne man kentau Masmur, ngan kentau sebayang, ngan ngentau iaʹ nai cen berua hem. Ngentau ne palaʹ Allah, mentung ngkem nyuaʹ tiga saheʹ iaʹ nai cen penawai hem. Sen ne, mung inu iaʹ ikem uyan ngan iaʹ ikem pisiu, uyan ne man ngadan Tuhan Yesus, mentung ngkem nyuaʹ tiga saheʹ palaʹ Allah iaʹ Amai Bioʹ, ban kuʹun Tuhan Yesus ina.

Ngan pelaʹa, ngepit ne kimet cem malaʹ neng kelunan, moʹ puyan malaʹ ina ne iaʹ ke pebeka mung inu ketai pemung pebulung ngan daʹam.

Allah lepa beteʹ ikem neng ca udip iaʹ mading pemung ngan Keristus. Tuman ina tekep kem pelek penawai hem neng puyan iaʹ kaʹ surga, iaʹ ina kukoʹ Keristus madung neng usun adan pengaren ne, kukoʹ iaʹ un penyukat pemung ngan Allah.

Udip tadan iaʹ Keristus lepa naʹ mikem ina, tiga hem uyan puyan ina iaʹ ke pebetep dau dalem kimet cem. Tuman Allah mengin ikem tai nuyan ca le usa, apan ncem dapit neng udip iaʹ tadan ina, mentung ngkem nyuaʹ tiga saheʹ palaʹ Allah.

Tuman ina, tiga hem lematai penyaheʹ usa hem iaʹ ngala dalem ikem, koʹ baʹan puyan pemung nyelem, puyan iaʹ deram, pengubaʹ iaʹ jaʹat, kimet jaʹat, ngan tutun, (moʹ tutun ina koʹ baʹan ca pemuyan iaʹ ngelan uyat).

Moʹ lepa ne ikem matai are. Ngan naʹkini udip kem un senuhuk dalem Allah pemung ngan Keristus.

Un sepuʹo naʹkini, tekep ne ikem pet mung puyan diaʹ pekini, koʹ baʹan miʹa, pengubaʹ iaʹ jaʹat, ngan miʹi neng dulu. Ngan pekina pe ayen peletoʹ ti isiu iaʹ ke pejaʹat kelunan, ngan isiu iaʹ jameng.

Ayen ncem lemalo neng ahang ikem selepeʹ, moʹ lepa ne ikem sau penyaheʹ kem iaʹ puʹun, peging ngan kelayen adet te, sulo hem kanan penyaheʹ iaʹ mading. Ini ne kelunan iaʹ mading, iaʹ Allah nyelung ban uyan ina. Allah nengangan uyan layen ncem mading apan ne tai pekuaʹ ngan layen ne tengen, ngan apan penisen ncem neng Allah ketai sukung.

Mung ngkem laki diaʹ un leto, malaʹ ne leto hem, ngan ayen ncem buseʹ neng ida.

Mung ngkem anak, tiga hem lemuto tunuk palaʹ ueʹ ngan amai hem, moʹ ina ne puyan ncem iaʹ tekep ke nedanaʹ ikem kelunan Keristin, ngan iaʹ sihoʹ neng pengubaʹ Allah.

Mung ngkem leto diaʹ un laki, tunuk ne palaʹ laki hem. Tekep lete ikem ke uyan puyan diaʹ pekina moʹ kem nedanaʹ ikem diaʹ kelunan Keristin.