Popular Bible Verses from Ane rom, echî 5

Share

Kən Obhasi a tóŋe êt ekpak nji yê a korê êt. Nan? A ri ebhú nji êt e nyə́ne ka obhí nâ Jisos Krayis a kpóe ekʉ̂ ka echî ejə́ré.

É ka fon ḿbə́ŋé nnyí ka chichi, ka Obhasi a tóŋe êt okot obhê ó man oman. A ri na Ebhare Ntʉgantʉ nnyo a karê êt nâ a kóe a tóŋe êt okot mbí.

E kí gyebhé fə́ne ḿbə́ŋé ka oseŋe mbi ó tə́ma êt. Echî aŋ? É məŋe sê oseŋe mbí nâ ó kára êt okə́bhá-ḿbə́ŋé. Okə́bhá-ḿbə́ŋé mbí ka biji ibhê nâ Obhasi a kóe a gáe êt, a kâm se é bhik. Ekamám Obhasi nâ é káre êt ikom kən é kí fon ḿbə́ŋé sê Obhasi a kí yim nji a chorê.

É yen sê ḿbə́ŋé nnyi e kíi na Obhasi nâ a yimî yê a kô ekpin ejə́ré se é rî ka nnyen-i-mbá. Mfá-mfá mân e ri ka ekone na yê ka obhô Ntûfâm owəré Jisos Krayis. A ri Jisos Krayis nâ a yimî kən e kí joé mfá-mfá ka onobhá-eji na Obhasi, ka e kíi ḿbə́ŋé na yê. É fon ekpatə́m ogyebhá-ḿbə́ŋé mân nji é məŋe sê tîk e fôn nkiri ka ejík Obhasi.

Ebhú nji êt ka ayimá-obhí e ri mbá ónyáŋe é ka fon, nji ebhú Obhasi é bhíghi, a yîm Jisos Krayis a kpô ka echî ejə́ré.

Ka eji agyʉ́ŋ amê á bhə́re ka nsi ka echî ejə́ré, a yîm Obhasi a kô ekpin ejə́ré se é rî ka nnyen-i-mbá. Nji é chíŋi obhô mân é rî sê a kí nyaŋe êt ka ofú Obhasi a kí ko oyámá-ḿbə́ŋé a tâŋ ngun nnyí.

Ka eji okúá-atûŋ mbi nne yót ó yim ane etî-etî á chəbhe ane abhí, ekpin í nne yót nji á bhó ku atûŋ, tîk é yîm Obhasi a kô ekpin ane etî-etî se é rî ka nnyen-i-mbá.

É ká man njí, é fon fə́ne ogyebhá-ḿbə́ŋé na Obhasi ka obhô Ntûfâm owəré Jisos Krayis, nnyo a yîm êt mfá-mfá é kət ka ekone na Obhasi.