Popular Bible Verses from Kols 3

Share

'Naa nclɔɔ nclɔɔ ŋonu ɩmɩa ɔ 'yʋ nʋɔ 'lɛ cɩ na 'kʋ, ɩya ka bhlo ‑ka ɔ 'yʋ 'la wɔlɩ nɩkplaan ‑ka na, a vavalɩ. ‑Kwlenyɔa ya 'lɛ anyɩ va na, anyɩ ‑ma, a vavalɩ

‑Laagɔɔn 'la lɩɩa 'la wɔlɩ 'nyɩ a gugu, ‑ma ‑n 'ta ‑dʋdʋa 'kʋ ‑naanɩaa.

Saa 'fɩan ala lobholia cɩ 'ka 'lɛ kʋkʋlʋ na, a nʋnʋɩ pɔɔnanɛ nɩkplaan, ‑n 'ta le ncɛlɩ 'la gbʋʋ, ‑ma ‑Kwlenyɔ 'la gbʋ.

Na, Laagɔ yanɩ 'lɛ anyɩ desla, ɔ ya 'lɛ anyɩ ‑kplɔ, 'nyɩ ɔ ‑wa 'lɛ anyɩ na, 'naa a ‑planɩ ŋaazɩɩnlɩlɩɛ, dananɔ, ‑ncɩdʋdʋkʋlalɩɛ, ‑pɔnpɔnnʋlɩlɛ ɩya pɔɔklalɩɛ 'la lokwia nɩkplaan.

'Naa Klisi 'la cɩa wɔlɩa ‑ya ɩla 'nanɩa ‑tɛtɛa kʋ anyɩ sidiin. A 'ma dɩgalɩa ‑tɛtɛa ɩya a cacalɩ wɔlɩ ɩya a 'nyɩnyɩnɩ dɩgalɩ. A bhlɩ 'lɩa ‑ɩ 'wlʋlʋ 'lɛ anyɩ pɔlɛ 'ciin na ɩya a 'nyɩ Laagɔ. A bhlɩ labhlɩfluwaa nɩkplaan 'la 'lɩ, gʋgwlalɩ, ɩya 'lɩa 'Wugoa zʋ 'lɛ anyɩ neen na, ɩya a bhɔlʋ Laagɔ. ‑Tɛtɛa 'fɩan a cɩ 'ka 'lɛ nyɩtɛ ‑aana, a cɩ 'ka 'lɛ nʋ na, a nʋnʋɩ ‑Kwlenyɔ Zozii 'la 'ŋlɩa nɩkplaan, ɩya a 'plɩlɩɔ 'kʋ ɩya a bhɔlʋ ‑a To Laagɔ.

ɩya ‑tɛtɛa 'fɩan nɩkplaan, a kalɩ ‑walʋ. Ʋmʋ ‑ʋ ‑glɩ 'lɛ 'bhlua ‑ʋ gba 'lɛ 'nyɩ ‑tɛtɛa 'fɩan ‑kakalɩ 'lɛ na.

Na, aya Klisi yanɩ 'lɛ 'kwɩɩnkʋbho na, a 'matɩnɩ lɩɩa ‑ɩ ‑kʋ 'lɛ ‑laagɔɔn, gbazɩa Klisi ‑kʋ 'lɛ Laagɔ 'lipasɔ 'kʋ sa na.

'Naa Klisi 'la pupuea 'kʋa ɔ la 'lɛ anyɩ le a 'ka bhlo 'plɩ na, 'lɩ ala pɔlɩa 'klʋ, ɩya a bhɔlʋ Laagɔ clɩɩa 'fɩan.

Na, ɩmɩa ‑ɩ ‑kʋ 'lɛ anyɩ nɩkplaan, 'nyɩ ‑ɩ ‑glɩ 'lɛ ‑dʋdʋa 'kʋ 'la lɩɩ na, a 'wlʋ ɩla ‑kwleliea ‑zɔn. Ɩmɩ ‑ɩ ‑glɩ 'lɛ ‑badaaglu, dɩbʋ, ‑lɩɩ ‑mizimizi 'la 'tʋ, wɔɔgugwienyinye ɩya 'dala 'la ‑walʋa ‑ʋ ‑glɩ 'lɛ ‑zliigʋgwlɛ 'la 'ce bhlo na.

‑Masa a ya 'ku, 'nyɩ ala jabhʋa ‑ya Klisi ‑zizieonɩ Laagɔ nɩkplaan na.

‑Ma ‑pɔtɔnʋ, ‑ɔ -glɩ 'lɛ anyɩ na, a 'talɩnɩ ɩmɩ ‑naa ‑tɛtɛa 'cin. Dɔgbɛ, pɔlɛkʋsiesie, ‑abhɔlɛ, ncaavlalɩɛ ɩya wɔɔnyinyia ‑ɩ 'wlʋlʋ 'lɛ anyɩ neen na.

A 'la zʋzʋlʋanɩ yodɩ, sa a yanɩ ‑godogodo nclɔɔa ‑ya ɔla nʋnʋgbɩa 'la lokwia nɩkplaan ‑sa, 'nyɩ a yanɩ 'lɛ ncaaleloa 'nɛa nɩkplaan pla, -ɔ kaci 'lɛ clɩɩa 'fɩan le ɔ 'ka ɔla nʋnyɔa 'bhisa 'kʋ 'plɩ, ɩya ɔ 'kɔɔ 'nanɩ cibhlili na.

Ŋodienyɩ, a wabha a nʋŋwlɛcɩ ɩya a 'la zʋa mala wɔlɩ nɩkplaan.

'Cuonyɩ, ‑tɛtɛa 'fɩan nɩkplaan, a zʋ ala valɩnyaa. 'Lɩka ɩmɩa ‑Kwlenyɔ 'matɩlɩ 'lɛ anyɩ wlɩɩn na.

'Ŋwlɛnyɩ, a zʋ a ‑ŋutiecɩ, saa ‑ɩ ‑ŋwa 'lɛ 'kʋ lebhe ‑Kwlenyɔ 'la gɩlɩŋwlɛ nʋ na.