Popular Bible Verses from 1 Kɔlɛ́ntinu 2

Share

Lo ɔ́, lě e Mawuxówéma ɔ́ kó ɖɔ gbɔn ɔ́: “Nǔ e mɛ ɖěbǔ ma mɔ kpɔ́n gbeɖé, bó ma ka se kpɔ́n gbeɖé ǎ ɔ́, nǔ e mɛ ɖěbǔ ma lin kpɔ́n gbeɖé ǎ ɔ́, Mawu bló nǔ énɛ́ ɖ'ayǐ nú mɛ e yí wǎn n'i lɛ́ɛ.”

Mɛ e ma ɖó Yɛ Mawu tɔn ǎ ɔ́ sixú yí nǔníná Mawu tɔn e Yɛ énɛ́ ɔ́ nɔ ná mɛ lɛ́ɛ é ǎ; xlonɔxó wɛ é nɔ́ mɔ xó énɛ́ lɛ́ɛ dó mɔ ná; é sixú mɔ nukúnnú jɛ yě mɛ ǎ, ɖó Yɛ Mawu tɔn ɔ́ jɛ́n è sixú dó ba do nú nǔgbó Mawu tɔn lɛ́ɛ ná.

Mǐdɛɛ lɛ́ɛ wɛ ka nyí mɛ e Mawu ɖe nǔbúdo énɛ́ xlɛ́ gbɔn Yɛsinsɛn jí é. Nǔgbó ɔ́, Yɛsinsɛn ɔ́ nɔ ba do nú nǔ bǐ káká jɛ tito Mawu tɔn e ɖo hwlǎhwlá ɖo gɔngɔn mɛ lɛ́ɛ é lɔ jí.

Mǐdɛɛ lɛ́ɛ ɔ́, ényí yɛ e ɖo gbɛ élɔ́ mɛ ɔ́ wɛ è nǎ mǐ ǎ; lo ɔ́, Mawu ná mǐ Yɛ e gosín gɔ̌n tɔn é, bónú mǐ ná tunwun nǔ e Mawu ná mǐ vɔ̌nu lɛ́ɛ bǐ

É nyí nǔnywɛ́ gbɛtɔ́ tɔn sín xó víví lɛ́ɛ wɛ un sɔ́ dó kplɔ́n nǔ mɛ ǎ, é ka nyí é wɛ un dó ɖɔ Mawuxó ɔ́ ná ǎ; lo ɔ́, Yɛ Mawu tɔn sín hlɔ̌nhlɔ́n sín nǔwiwa wɛ. Énɛ́ ɔ́, nǔɖiɖi mitɔn jínjɔ́n nǔnywɛ́ gbɛtɔ́ lɛ́ɛ tɔn jí ǎ; lo ɔ́ hlɔ̌nhlɔ́n Mawu tɔn jí wɛ é jínjɔ́n.