Popular Bible Verses from 1 Kɔlɛ́ntinu 3

Share

Mi tunwun ɖɔ sinsɛnxɔ Mawu tɔn wɛ émí nyí, bɔ Yɛ Mawu tɔn ɖo émí mɛ.

Đó è ko dó dǒ ɔ́ do; Jezu Klísu wɛ nyí dǒ dodó énɛ́ ɔ́, bɔ mɛ ɖěbǔ sɔ́ sixú dó dǒ ɖěvo do ǎ.

Hǔn, mɛ e tun atín ɔ́, kpódó mɛ e hú sin ná ɔ́ kpán ɔ́, yě nyí nǔtí ǎ. Mawu wɛ nyí nǔ bǐ; ɖó é wɛ bló bɔ atín ɔ́ su.

Đó azɔ̌ wa ɖó kpɔ́ wɛ mǐ ɖe nú Mawu, bɔ midɛɛ lɛ́ɛ ka nyí gle Mawu tɔn, bó lɛ́ nyí xɔ Mawu tɔn.

Amɔ̌, Aklúnɔ sín azǎn ɔ́ wɛ ná ɖe lě e azɔ̌ mɛ ɖokpó ɖokpó tɔn ɖe gbɔn é xlɛ́, bɔ é ná jɛ wěxo. Nǔgbó ɔ́, azǎn énɛ́ ɔ́ ná wá kpó myɔ kpó, bɔ myɔ ná gbéjé azɔ̌ e mɛ ɖokpó ɖokpó wa ɔ́ kpɔ́n, bó ná ɖe azɔ̌ alɔkpa e é nyí ɔ́ xlɛ́.

Mɛ e tun atín é kpódó mɛ e hú sin ná é kpó ɔ́, zɛ̌nzɛ̌n wɛ yě ɖe; mɛ ɖokpó ɖokpó ná mɔ lě e é wa nǔ gbɔn ɔ́ sín ajɔ yí ɖo Mawu sí.

Mɛɖé bó ma blɛ́ éɖée ó. Ényí mɛɖé ɖo mi mɛ, bónú nǔ e gbɛtɔ́ lɛ́ɛ nɔ ylɔ́ ɖɔ nǔnywɛ́ ɔ́ wɛ é ɖó, lobo ɖɔ émí ɖó nǔnywɛ́ ɔ́, mɛ énɛ́ ní bó húzú xlonɔ bó ná sixú ɖó nǔnywɛ́ titewungbe ɔ́.