Popular Bible Verses from 1 Kɔlɛ́ntinu 1

Share

Lo ɔ́, Mawu sɔ́ nǔ e gbɛtɔ́ lɛ́ɛ nɔ mɔ dó mɔ xlo ná ɔ́ dó dó winnyá nǔnywɛ́tɔ́ lɛ́ɛ ná; é sɔ́ nǔ e yě nɔ mɔ dó mɔ vǐvɔ́ ná ɔ́ dó dó winnyá mɛ e ɖó hlɔ̌nhlɔ́n lɛ́ɛ.

Nǔgbó ɔ́, kú e Klísu kú ɖo aklúzu jí é sín xó ɔ́, xlonɔxó wɛ yě mɛ e ɖo bǔbú wɛ lɛ́ɛ nɔ dó mɔ ná; lo ɔ́, hlɔ̌nhlɔ́n Mawu tɔn wɛ é nyí nú mǐ mɛ e ɖo hwlɛngán sín ali jí lɛ́ɛ.

Đó nǔ e è nɔ mɔ dó mɔ xlojijɔ Mawu tɔn ná ɔ́, nǔnywɛ́ e ɖ'é mɛ ɔ́ hú gǎn nǔnywɛ́ e gbɛtɔ́ lɛ́ɛ ɖó é; nǔ e è nɔ mɔ dó mɔ vǐvɔ́ Mawu tɔn ná ɔ́, hlɔ̌nhlɔ́n e é ɖó ɔ́ hú gǎn ée gbɛtɔ́ lɛ́ɛ ɖó é.

Mawu ɖo gbejí. É wɛ ylɔ́ mi, bónú mi ná nɔ bǔ xá Vǐ tɔn Aklúnɔ mǐtɔn Jezu Klísu.

Nɔví lɛ́ɛ mi, ɖo Aklúnɔ mǐtɔn Jezu Klísu sín nyǐkɔ mɛ ɔ́, un ɖo byɔ̌byɔ́ mi wɛ ɖɔ mi bǐ ní ɖó gbe kpɔ́, bónú kínklán ma nɔ tɛ́ntin mitɔn ó; mi ní nɔ bǔ ganjí, bó ɖó linlin ɖokpó ɔ́; ayixa mitɔn ní nɔ ɖɔ nǔ ɖokpó ɔ́.

Ényí nǔ nyí mɔ̌ ɔ́, ani wɛ nǔnywɛ́tɔ́, abǐ wěmasetɔ́, abǐ xóɖɔdóxówútɔ́ gbɛmɛ fí tɔn lɛ́ɛ sɔ́ sixú lɛ́ ɖɔ? Mawu ɖe xlɛ́ ɖɔ nǔnywɛ́ gbɛmɛ fí tɔn ɔ́, xlojijɔ wɛ é nyí.