Popular Bible Verses from Isaias 42

Share

“Siak, ni Yahweh, inayabanka; inikkanka iti pannakabalin tapno kitaem a maipakat ti hustisia iti daga. Sika ti pannakabagik a makitulagto kadagiti amin a tattao; pannakabagika a mangyeg iti lawag kadagiti pagilian. Luktamto ti panagkita dagiti bulsek, ket wayawayaamto dagiti naipisok iti nasipnget a pagbaludan.

“Siak ni Yahweh, dayta ti naganko. Awan ti didiosen a mairanud iti dayagko; diak ipalubos dagiti imahen a mairaman iti pannakaidaydayawko.

Kuna ti APO, “Adtoy ti adipenko nga itan-okko— ti pinilik ken ti pakaay-ayoak. Intedko ti Espirituk kenkuana ket yegnanto ti hustisia kadagiti pagilian.

Naasinto kadagiti nakapsut, ket tulongannanto dagiti awan gawayna. Yegnanto ti agnanayon a hustisia iti amin a tattao. Dinanto pukawen ti namnama wenno ti turedna, ket ipasdeknanto ti kinalinteg iti daga. Sigagagar dagiti adayo a daga a mangur-uray iti pannursurona.”

“Idalankonto dagiti bulsek a tattaok kadagiti dalan a dida pay nagnaan. Pagbalinekto a lawag ti sipnget nga ayanda; pasayaatekto dagiti lasong-lasong a disso. Aramidek dagitoy nga awan duadua.

Natungpalen dagiti impadtok idi un-unana. Ita, baro a bambanag ti ibagak kadakayo sakbay a mapasamakda.”